«Być biełarusam — što heta značyć?» — u supolnym prajekcie Budzma.orgTUT.by viadomyja ŭ svaich śfierach dziejnaści ludzi raskazvajuć, što dla ich značyć być biełarusam. Na pytańni ankiety adkazvaje Uładzimir Bieražkoŭ — hałoŭny redaktar haziety «Priessboł».

 Uładzimir Bieražkoŭ, fota Julii Daraškievič.

Uładzimir Bieražkoŭ, fota Julii Daraškievič.

Jakoje značeńnie vy ŭkładajecie ŭ słova biełarus/biełaruska?

— Biełarus — heta mužčyna, biełaruska — žančyna.

Jakija unikalnyja biełaruskija rysy charaktaru i śvietahladu ŭłaścivyja biełarusam?

— Ścipłaść, dabrynia, talerantnaść, sumlennaść, spahada.

Nazavicie try-piać asnoŭnych padziejaŭ z historyi Biełarusi, bieź viedańnia jakich biełarus — nie biełarus?

— Ja b tak pytańnie nie staviŭ. Biełarus — heta nie niejkija viedy, a stan dušy. Tym nie mienš, adznaču najbolš značnyja z majho punktu hledžańnia i dla majho stanu dušy padziei ŭ historyi majoj Radzimy:

    1410 hod — Hrunvaldskaja bitva,
    1918 hod — Biełaruskaja Narodnaja Respublika,
    1944 hod — vyzvaleńnie ad fašysckaj akupacyi,
    1990 hod — Dekłaracyja ab suvierenitecie Respubliki Biełaruś,
    2002 hod — chakieisty Biełarusi ŭ paŭfinale Alimpijskich hulniaŭ,
    2004 hod — zołata Julii Nieściarenka na Alimpijadzie ŭ Afinach.

Jakija tradycyi pavinien viedać i zhodna ź jakimi pavinien žyć biełarus?

— Tradycyi svajoj siamji, svajho naroda.

Čym biełaruskim vy hanaryciesia?

— Aśvietnicaj Jefrasińniaj Połackaj, paetam Maksimam Bahdanovičam, piśmieńnikam Vasilom Bykavym, ansamblem «Pieśniary», hrupaj «Lapis Trubiackoj», Futbolnym kłubam BATE…

Bieź viedańnia movy biełarus — nie biełarus?

— Biełarus. Kali tolki jon nie abviarhaje mahčymaść i ŭmovy dla vyvučeńnia i ŭžyvańnia rodnaj movy.

Jak vy bačycie budučyniu Biełarusi?

— Jak samastojnaj, niezaležnaj, śvietłaj dziaržavy — ščaślivaha i pryhožaha miesca pražyvańnia ludziej.

Клас
0
Панылы сорам
0
Ха-ха
0
Ого
0
Сумна
0
Абуральна
0