«Masakra» łamaje ramki i raspačynaje novy žanr. Piša Andrej Rasinski.
Masakra
Biełaruś, 2010, kalarovy, 100 chvilinaŭ
Režysior: Andrej Kudzinienka
Mastak: Artur Klinaŭ
Kampazitar: Aleh Chadoska
Mantaž: Alaksandr Debaluk
Roli vykonvajuć: Dźmitry Miler, Andrej Nazimaŭ, Maryja Kurdzianievič, Alaksandr Kołbyšaŭ, Viačasłaŭ Paŭluć, Siarhiej Ułasaŭ, Śviatłana Zielankoŭskaja, Aksana Lasnaja, Siarhiej Žuraviel, Alena Adzincova, Palina Syrkina, Alaksandr Kašpieraŭ, Alaksiej Siančyła, Aleh Harbuz, Ivan Mackievič, Hienadź Famin, Alaksandr Małčanaŭ
Žanr: bulba-chorar pavodle scenaru Alaksandra Kačana dyj Andreja Kudzinienki, składzienym pavodle biełaruskim lehiendaŭ i «Łokisu» Praspera Meryme
Adznaka: 7,5 (z 10)
Paśla razhromu paŭstańnia Kastusia Kalinoŭskaha ŭ majontak hrafa Pazurkieviča traplaje avanturnik Kazancaŭ, jaki robić vyhlad, što cikavicca hrafskaj biblijatekaj. Avanturnik cytuje Puškina j zalacajecca da hrafskaj niaviesty. Niedareki-hości źbirajucca na zaručyny. Ale majontak — miadźviežaja biarłoha, a sam hraf —piarevaracień.
Pieršy bulba-chorar «Masakra» Andreja Kudzinienki ŭžo raskałoŭ kinahramadstva j hledačoŭ.Adnyja krytyki zaciata admaŭlajuć u karcinie vysoki źmiest, druhija (niebiespadstaŭna) — bačać proćmu płastoŭ. Adnyja nakidvajucca na Kudzinienku za rasiejskuju movu (u vusnach rasiejskaha hienierała), druhija — paprakajuć aŭtara ŭ lutym biełaruskim nacyjanaliźmie.
Adnym — zamała kryvi, druhija skardzilisia na jejnyja pyrski. Adnyja rahočuć ad žanravych cytataŭ, zachaplajucca sałamianymi instalacyjami Artura Klinava dy raskošaj kadru, druhija — patrabujuć puścić stvaralnikaŭ na miadźviežy farš.
Dla adnych film — zanadta aŭtarski, dla druhich — masavy.
Ale što vy chacieli ad filma, dzie ŭsie hieroi — piarevaratni i navat śviatar — padpolny paŭstaniec?
«Masakra» łamaje ramki j z aŭtarskim impetam raspačynaje novy žanr. U hetym žanry sacyjalnyja vykazvańni zamaskavanyja pad mistyčnuju pomstu, mova — partyzanić, strach žartuje, a zalimitnaja žarść — cnatlivaja.
Adny buduć hetuju stužku lubić, druhija — adprečvać. Ale tyja, chto jaje lubiać, — buduć hladzieć jaje i hladzieć.
Łatuška pra 30 miljonaŭ jeŭra ad ES: Raniej za raźmierkavańnie adkazvaŭ Jahoraŭ. 33% išło na padtrymku rełakavanaha biznesu4
Kamientary