Mierkavańni1515

Try pretenzii ekskavatarščyka da Łukašenki

Jon pracuje na svaju siamju — z ranku na dziaržaŭnaj pracy i na kałymach uviečary. Ale jon dakładna sfarmulavaŭ try prykmiety łukašenkaŭskaj ułady, ad jakich zakipajuć užo sotni tysiač ludziej.

Hetyja słovy skazaŭ mnie adzin hienij. Bo hienijalnymi byvajuć nie tolki piśmieńniki ci muzykanty. Heta hienij ciažkoj budaŭničaj mašyny. U jaho rukach niazhrabny hrejder «Amkador» robić rečy prosta filihrannyja.
Nie śmiejciesia: ja viedaju, što kažu. Raspačaŭšy budoŭlu, nahledzieŭsia na niazdarnaść bolšaj pałovy najmanych rabotnikaŭ. Pačynaješ canić sapraŭdnaje majsterstva i ruki, jakija rastuć z patrebnaha miesca.

«Ja prosta chaču pieramienaŭ. Kab choć niešta źmianiłasia. Jaki heta byŭ fiłosaf, što napisaŭ «Knihu pieramienaŭ»? Bo vielmi ciažka žyć. U mianie žonka invalid, dzieci, ja adzin pracuju. Zarobak pałučyli — u toj samy dzień jaho niama. Pajšoŭ rabić u dziaržaŭnuju arhanizacyju, kab dali internat. Sprabavaŭ dabicca lhotnaha kredytu na budaŭnictva žylla jak maładoj siamji, chadziŭ pa kabinietach. Nahladzieŭsia na takuju biurakratyju, na hetaje, prosta skazać, b…va…»

Mikałaj nie skardziŭsia. Prosta adčuvałasia, što jamu chočacca vyhavarycca. A hutarku pra vybary my pačali niečakana sami dla siabie. Hetaja tema jašče elektryzuje hramadstva, u pieravažnaj bolšaści da palityki abyjakavaje. Ludzi adčuvajuć, što prezidenckija vybary, u adroźnieńnie ad parłamienckich, miascovych, zdolnyja istotna źmianić žyćcio.

«Siońnia čałaviek nie svabodny, — kazaŭ Mikałaj. — Raboty — vałam. Ale niama inicyjatyvy. U nas majstry paprychodziać na pracu i siadziać, čakajuć, pakul dyrektar pryjedzie i zahadaje, što rabić».

Tak, dziaržaŭnaja mašyna, što składajecca ź vincikaŭ, zručnaja ŭ kiravańni, adnak nivodzin vincik nie kraniecca ź miesca biez adpaviednaha načalnickaha vokryku. Pra vokryk Mikałaj, darečy, taksama nie zabyŭsia. I tut byŭ najbolš kateharyčny: «Nijakaha Łukašenki. Što heta takoje, kali jon intelihientnamu čałavieku — «Ty!» A toj, hałavu ŭhnuŭšy, słuchaje…»

Mikałaj nie viedaje imionaŭ apazicyjnych kandydataŭ, jon nie čytaje niezaležnych haziet. Jon pracuje na svaju siamju — z ranku na dziaržaŭnaj pracy i na kałymach uviečary. Ale jon dakładna sfarmulavaŭ try prykmiety łukašenkaŭskaj ułady, ad jakich zakipajuć užo sotni tysiač ludziej: niespraviadlivaść, niesvaboda, chamstva.

Kamientary15

Raniej terminu vyjšaŭ na volu staršynia AHP Mikałaj Kazłoŭ

Raniej terminu vyjšaŭ na volu staršynia AHP Mikałaj Kazłoŭ

Usie naviny →
Usie naviny

«Maja daŭniaja mara — žyć u Ispanii — akazałasia rasčaravańniem». Saliharčanka try hady pažyła ŭ Alikante i viarnułasia ŭ Biełaruś54

Pudynh, pica i roł — niebanalnyja stravy z bulby

Kašteli, ranety, piepinki: usio pra staryja biełaruskija sady i sarty. I dzie ich kupić4

Niekatorym žurnalistam ź Biełarusi zabaranili aśviatlać Alimpijadu3

Jakoha nadvorja čakać biełarusam na nastupnym tydni

Na BT zapuścili šou «Dobry viečar!» Hościa pieršaha vypusku — zorka rasijskaha šansona Vika Cyhanova20

Stryžak raskazaŭ, jak jaho vierbavali śpiecsłužby25

Izrail nanios udary pa Jemienie «paśla dzieviaci miesiacaŭ bieśpierapynnych napadaŭ»8

Zorka tyktoku Liza Vietrava zakryvaje svoj papularny błoh pra biełaruskuju movu20

bolš čytanych navin
bolš łajkanych navin

Raniej terminu vyjšaŭ na volu staršynia AHP Mikałaj Kazłoŭ

Raniej terminu vyjšaŭ na volu staršynia AHP Mikałaj Kazłoŭ

Hałoŭnaje
Usie naviny →