Jašče adna śmierć biełarusa na biełastockaj darozie
U hienkonsulstvie pakul nie majuć dakładnaj infarmacyi.
Biełastockaja palicyja paviedamiła, što siońnia ŭ načnoj avaryi zahinuŭ hramadzianin Biełarusi. U hienkonsulstvie pakul nie majuć dakładnaj infarmacyi.
Siońnia nočču na tym samym miescy, dzie niadaŭna ŭ strašnaj avaryi zahinuli 5 biełarusaŭ, u łabavym sutyknieńni raźbiŭsia 32-hadovy hramadzianin Biełarusi. Pra heta paviedamlaje sajt biełastockaj palicyi. Pavodle infarmacyi palicyi, siońnia a pałovie na 1-ju nočy dziažurny ŭpravy palicyi Biełastoka atrymaŭ paviedamleńnie, što na nacyjanalnaj darozie №8 u rajonie vioski Raduli sutyknulisia łob u łob dva aŭtamabili — hruzavy «Hyundai» i «Volkswagen Passat B3». Kiroŭca «pasatu», 32-hadovy biełarus, zahinuŭ na miescy, kiroŭca hruzavika słužby dastaŭki, 38-hadovy palak, z traŭmami dastaŭleny ŭ špital. Zhodna papiaredniaj viersii, sutyknieńnie adbyłasia paśla vyjezdu lehkavika na pałasu sustrečnaha ruchu. Na miescy zdareńnia utvaryŭsia zator, jaki tryvaŭ kala 5 hadzin.
Ciapier palicyja vyśviatlaje akaličnaści trahičnaha zdareńnia.
Pres-ataše Hienieralnaha konsulstva Biełarusi ŭ Polščy Alaksiej Zielanko paviedamiŭ «Našaj Nivie», što viedaje pra zdareńnie, adnak nie maje pakul poŭnaj infarmacyi nakont akaličnaściaŭ zdareńnia i asoby zahinuŭšaha.
Nahadajem, što ŭ noč na 15 vieraśnia 2010 na ŭčastku darohi №8 u rajonie vioski Raduli ŭ vyniku sutyknieńnia dvuch biełaruskich mikraaŭtobusaŭ z polskaj furaj zahinuli 5 biełarusaŭ, jašče 5 čałaviek byli paranienyja.
Dla čynoŭnikaŭ raspracavali miesiendžar Depesha. U čym jaho hałoŭnaja prablema?1
Kamientary