Usie žychary Hrodzienskaj i Bresckaj abłaściej. Jašče čatyry čałavieki znachodziacca ŭ špitali, adzin u ciažkim stanie.
Piać čałaviek, jakija jechali na dvuch mikraaŭtobusach Mercedes-Benz Sprinter ź biełaruskimi rehistracyjnymi numarami, zahinuli siońnia ŭnačy (01:40) u Polščy ŭ vyniku sutyknieńnia z furaj na nacyjanalnaj darozie № 8 u rajonie vioski Raduli za 30 km ad Biełastoka, na darozie Biełastok - Varšava.
Jak paviedamiŭ pres-ataše Hienieralnaha konsulstva Biełarusi ŭ Biełastoku Alaksiej Zielanko, usie zahinułyja i paranienyja ŭ avaryi źjaŭlajucca hramadzianami našaj krainy. Na dadzieny momant pavodle źviestak polskaj palicyi ŭ špitali Biełastoku znachodziacca čaćviora paciarpiełych adzin u ciažkim stanie. Adnaho čałavieka ŭ chutkim časie majuć vypisać. Pa infarmacyi hienkonsulstva, adzin ź mikraaŭtobusaŭ byŭ zarehistravany ŭ Hrodzienskaj vobłaści, druhi — u Minskaj. Polskija ŚMI paviedamlajuć, što ranieńni ŭ avaryi atrymali piać čałaviek, dvoje ź jakich ad špitalizacyi admovilisia.
Pavodle papiaredniaj infarmacyi, aŭtobusy adzin za adnym jechali ź Biełastoka ŭ napramku Varšavy. Adzin z aŭtobusaŭ abhaniaŭ druhoha. U hety momant pa sustrečnaj pałasie ruchaŭsia hruzavik Volvo. Kiroŭca fury pasprabavaŭ paźbiehnuć sutyknieńnia, ale ŭsio ž začapiŭ mikraaŭtobus i toj źlacieŭ na levuju ŭzbočynu. U im zahinuła 46-hadovaja biełaruska. Paśla pieršaha sutyknieńnia fura vyjechała na sustrečnuju pałasu, dzie prataraniła druhi biełaruski bus. U im ad sutyknieńnia zahinuli čatyry čałavieki.
Pavodle polskich ŚMI, učastak darohi, dzie adbyłasia trahiedyja, maje durnuju słavu i navat paznačany ŭ hetym miescy śpiecyjalnymi znakami. Abhon na tym učastku zabaronieny.
Pavodle www.tvp.info, palicyja ŭstanaviła pakul tolki adnu asobu ź piaci zahinułych.
Pamierłaha 52-hadovaha aŭtaślesara ź Viciebska hod tamu strašna źbili milicyjanty12
Kamientary