U niadzielu, 12 vieraśnia, u matčy 4-ha tura anhlijskaj futbolnaj prem'jer-lihi, «Birminhiem Sici» zhulaŭ uničyju na svaim poli z «Livierpulem» — 0:0.

Alaksandr Hleb, jaki pry kancy žniŭnia byŭ addadzieny «Barsiełonaj» u arendu «Birminhiemu», u matčy ŭdziełu nie braŭ. Jon atrymaŭ traŭmu ŭ matčy nacyjanalnaj kamandy suprać zbornaj Rumynii 7 vieraśnia.

«Birminhiem» ciapier dzielić 5–7 miescy z «Fułchemam» i «Astan Viłaj». Usie kłuby majuć pa šeść punktaŭ, ale «AV» maje na hulniu mieniej, u paniadziełak hety druhi kłub ź Birminhiema hulaje sa «Stok Sici».

U «Birminhiema» adna pieramoha i try ničyi, bałans miačoŭ 6–5.

U nastupnym tury novy kłub Alaksandra Hleba zhulaje 18 vieraśnia ŭ haściach z «Uest Bromvičam».

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?