Hramadstva11

Bandarenka: U časie śmierci Biabienina ekśpierty nie syšlisia

Kaardynatar «Chartyi'97» Źmicier Bandarenka prakamientavaŭ aficyjnyja dadzienyja ekśpiertyzy śmierci Aleha Biabienina.

«Ja chacieŭ by skazać, što Aleh Biebienin — nie prosta žurnalist. U mahčymaj biełaruskaj prezidenckaj kampanii jon pavinien byŭ być adnym z kiraŭnikoŭ štabu apazicyjnaha kandydata ŭ prezidenty Andreja Sańnikava. I raptam čałaviek kančajecca žyćcio samahubstvam. Adsutničaje matyŭ dla takoha pavodzinaŭ. Niama pieradśmiarotnaj zapiski, niama prablem na pracy, jość lubimaja žonka, syny, baćki, brat. Čałaviek źbiraje svaich siabroŭ na premjeru filma. Apošniaja jaho sms-ka, jakuju, jak viadoma, jon pasłaŭ, pra toje, što jon pryjdzie ŭ kinateatr „Kastryčnik“ u 20 hadzin. I znoŭ ža raptam čałaviek źnikaje amal na sutki, nie adkazvaje na telefonnyja zvanki.

Isnujuć surjoznyja razychodžańni pa časie śmierci, i heta zafiksavana ŭ dakumientach. Supracoŭniki milicyi i prakuratury, siarod jakich byŭ ekśpiert-kryminalist, jakija prybyli ŭčora na lecišča, zafiksavali, što śmierć nastupiła prykładna, a 14-j hadzinie 3 vieraśnia. Siońnia ŭ paśviedčańni ab śmierci, vydadzienaj svajakam, dataj śmierci nazvana 2 vieraśnia. Heta značyć, razychodžańnie bolš čym na 15 hadzin.

Aleh dušy nie čuŭ u svaim maleńkim synie. Znajšli jaho miortvym u piatli ź viaroŭki ad dziciačaha hamaka. Hetaha prosta nie mahło być. Ludzi, jakija bačyli Aleha napiaredadni, kazali, što jon znachodziŭsia ŭ badziorym, viesiołym stanie i mieŭ iści na film. Jon paviedamiŭ rodnym, što ŭ jaho płanavałasia jašče niejkaja sustreča ŭ druhoj pałovie dnia 2 vieraśnia. Z kim jon pavinien byŭ sustrakacca i ci sustreŭsia, my sprabujem daviedacca.

Što da vynikaŭ ekśpiertyzy: na samoj spravie bijachimičny analiz tkanin, asobnych orhanaŭ i vadkaściaŭ arhanizma stanie viadomy tolki da sierady. Jość jašče masa inšych momantaŭ, jakija prymušajuć nas sumniavacca ŭ tym, što Aleh pajšoŭ z žyćcia dobraachvotna», — skazaŭ Źmicier Bandarenka.

Kamientary1

Stała viadoma pra aryšt historyka Ihara Mielnikava16

Stała viadoma pra aryšt historyka Ihara Mielnikava

Usie naviny →
Usie naviny

Byłaja palitźniavolenaja: Maja siamja patraciła za dva hady $10 tysiač na advakataŭ i pieradačy dla mianie1

«Kali b mnie płacili — siadzieła b i čytała ludziam knihi, navat za małyja hrošy». Intervju z aktrysaj Zojaj Biełachvościk2

U voziery Śviciaź zabaranili kupacca. U čym pryčyna?1

Mercedes urezaŭsia ŭ Fiat, a paśla źbiŭ dvuch čałaviek

Tramp staŭ najstarejšym kandydatam na pasadu prezidenta ZŠA ŭ historyi5

Minsk apynuŭsia ŭ topie samych tannych haradoŭ śvietu — za žyllo treba płacić u 10 razoŭ mienš, čym u Ńju-Jorku7

Pieršyja prablemy biełarusaŭ na Alimpijadzie ŭ Paryžy. Vieślary ŭžo tam, a łodki nie prapuścili 

Topavy amierykanski časopis sprahnazavaŭ, kolki biełarusy zavajujuć miedaloŭ na Alimpijadzie. U rasijan budzie nul

Charys zaručyłasia dastatkovaj padtrymkaj dla vyłučeńnia kandydatam u prezidenty

bolš čytanych navin
bolš łajkanych navin

Stała viadoma pra aryšt historyka Ihara Mielnikava16

Stała viadoma pra aryšt historyka Ihara Mielnikava

Hałoŭnaje
Usie naviny →