Čynoŭnikaŭ karajuć za prahlad na pracy «Chrosnaha baćki»

U niekatorych ministerstvach i ŭstanovach pačali kantralavać, ci prahladajuć supracoŭniki film «Chrosny baćka». Kali niechta zaŭvažany ŭ prahladzie kramolnaj stužki, adkaznym za «idealohiju» vynosiać pakarańni.

Supracoŭniki ŭstanovy, adkul pastupiŭ na «Radyjo Svaboda» syhnał pra pakarańni za prahlad «Chrosnaha baćki», mohuć dadatkova paciarpieć, tamu krynica prasiła nie nazyvać ŭ efiry nazvu ŭstanovy, ale za infarmacyju paručyłasia.

vynieśli papiaredžańnie načalniku adździeła pa suviaziach z hramadzkaściu…

«Ź ministerstva pryrodnych resursaŭ pastupiŭ zvanok niepasredna ŭ hetuju ŭstanovu, što ich supracoŭniki praz pracoŭnyja kamputary šukali ŭ internecie filmy „Chrosny baćka“, jakija pakazvali pa kanale NTV.

Presavy sakratar uradu Alaksandar Cimašenka na prośbu prakamentavać hetyja źviestki adkazaŭ, što jamu «ničoha nieviadoma pra takija zachady», ale vykazaŭsia nakont vykarystańnia pracoŭnych kamputaraŭ.

«Pracoŭny kamputar musiać vykarystoŭvać ŭ pracoŭnych metach, a ni ŭ jakich inšych. Nakont astatniaha ŭ mianie niama takoj infarmacyi, pra jakuju vy kažacie, tamu mnie niama čaho kamentavać».

Šmat dzie ŭ kamercyjnych i dziaržaŭnych ustanovach kantralujuć vychad praź internet na sajty, jakija nia majuć dačynieńnia da pracy. Hetak administracyja stavić «filtry» na šlachu da pornasajtaŭ, taksama zabaraniaje «prahułki» pa sacyjalnych sietkach kštałtu «Adnaklaśnikaŭ» ci"U kantakcie». Tolki z chatniaha kamputara spažyviec internet-infarmacyi moža lohka zajści na luby sajt, što, adnak, kaštuje hrošaj. A jak spravy ŭ internet-kaviarniach? Ci mohuć karystalniki internetu pahladzieć tam «Chrosnaha baćku-3» i pry hetym nie «zaśviacicca»?

Pracaŭnik mienskaj internet-kaviarni, jakaja znachodzicca na čyhunačnym vakzale, tłumačyć, što nikomu z naviednikaŭ u ich nie zabaraniajuć vychodzić na sajty, dzie źmieščanyja palityzavanyja filmy kštałtu «Chrosnaha baćki». Ale kožny naviednik ciapier musić pakazać pašpart i pry žadańni «naviersie» mohuć vyznačyć, chto cikaviŭsia tolki ekzamenacyjnymi pytańniami, a chto hladzieŭ kramolnyja filmy pra Łukašenku.

Mohuć pryjści, zapytać, chto ad vas voś z hetaha kamputara ŭ taki-ta čas zachodziŭ tudy-ta i pakažycie jahonyja pašpartnyja dadzienyja…

«Infarmacyja idzie na server i adsačyć mahčyma ŭsio. Mohuć pryjści, zapytać, chto ad vas voś z hetaha kamputara ŭ taki-ta čas zachodziŭ tudy-ta i pakažycie jahonyja pašpartnyja dadzienyja.

Nahadajem, ź 1-ha lipienia pačaŭ dziejničać ukaz Alaksandra Łukašenki ab uparadkavańni internetu, pavodle jakoha značna ŭzmacniŭsia kantrol nad siecivam z boku dziaržavy.

***

15 žniŭnia rasiejski telekanał «NTV» pakazaŭ film «Chrosny baćka-3» pra prybytki Alaksandra Łukašenki i jahonaj siamji. U Biełarusi film nie pakazali, miž tym cikaŭnaść da jaho pavialičvajecca. Pavodle sacyjalahičnaj słužby «Bałtyk Hełap», 31% biełarusaŭ pahladzieli pieršy ci druhi filmy «Chrosny baćka» praź internet, na dyskach dy praź inšyja nośbity.

• 0
• 0
• 0
• 0
• 0
• 0
• 0
• 0