Chałodnaja harbata — suprać smahi

Zvyčajnaja harbata ź lodam zdolnaja pieramahčy smahu ŭ letnija śpiakotnyja dni, paviedamili dyjetołahi.

U adroźnieńnie ad inšych napojaŭ, u jakich šmat chimii i kansiervantaŭ, harbatu možna razhladać jak naturalny srodak baraćby sa smahaj. Padčas ekśpierymientu vyśvietliłasia, što ŭ čornaj harbacie ŭtrymlivajucca fłavanoidy, jakija vałodajuć ułaścivaściami antyaksidantaŭ i dapamahajuć zachavać maładość i zaścierahčysia ad sardečna-sasudzistych zachvorvańniaŭ. Harbata dapamoža viarnuć dobraje samaadčuvańnie navat u žudasnuju śpiakotu, śćviardžajuć śpiecyjalisty.

Akramia taho, vyniki niadaŭnich daśledavańniaŭ pakazali, što harbata taksama zdolnaja źnižać uzrovień škodnaha chalesterynu, stabilizavać cisk i rasšyrać sasudy.

Dyjetołahi rekamiendujuć vykarystać najbolš prosty recept pryhatavańnia harbaty: zavarycie krepkuju harbatu i studzicie jaje na praciahu 20 chvilin, zatym dadajcie niekalki kubikaŭ lodu. Možna dadać trochi miaty abo limona. Badzioraść adčuvajecca ŭžo praź niekalki chvilin paśla pryjomu napoju, śćviardžajuć vučonyja.

Uvaha! Ludziam, jakija pakutujuć ad jazvy straŭnika i dvanaccacipiersnaj kiški, a taksama ad pavyšanaj kisłotnaści, nie varta złoŭžyvać hetym tanizujučym napojem.

Višniovy sok pavialičvaje praciahłaść snu

Pavodle mierkavańnia vučonych, višniovy sok moža ŭtrymlivać u sabie kluč da mocnaha snu.

Daśledavańni pakazali: dobraachvotniki, jakija vypivali pa šklancy čystaha (biez cukru) višniovaha soku ranicaj i ŭviečary, macniej spali ŭ paraŭnańni z tym, kali jany vypivali tuju ž kolkaść inšaha soku. U siarednim praciahłaść snu paśla pryjomu višniovaha soku pavialičvałasia na 17 chvilin.

Aktualnaść hetaha adkryćcia źviazanaja z tym, što ŭ naš čas biassońnica stała sapraŭdnym biedstvam dla sotniaŭ ludziej. Jana niehatyŭna adbivajecca na jakaści ich žyćcia i ŭzroŭni zdaroŭja.

Prykładna adzin z čatyroch darosłych ludziej pakutuje ad biassońnicy, a kožny piaty rehularna śpić mienš za piać hadzin nočču. Daśledčyki pryjšli da vysnovy: višniovy sok moža akazvać taki efiekt, pakolki sadziejničaje sintezu miełataninu — harmonu, jaki rehuluje režym snu ŭ arhaniźmie.

Piva — adzin z samych karysnych śpirtnych napojaŭ

U paraŭnańni ź inšymi ałkaholnymi napojami, piva možna pryznać adnym z samych zdarovych ałkaholnych napojaŭ, kali ŭžyvać jaho va ŭmieranaj kolkaści, śćviardžajuć brytanskija daśledčyki.

Padčas vyvučeńnia napoju vyśvietliłasia, što ŭ pivie ŭtrymlivajucca vitaminy, jakija nieabchodnyja dla zbałansavanaha charčavańnia, antyaksidanty i minierały, jakija vydatna zasvojvajucca arhanizmam. Naprykład, u pivie vielmi vysoki ŭzrovień kremniju, jaki źnižaje ryzyku ŭźniknieńnia asteaparozu, padkreślili ekśpierty.

Piva lubiać pić va ŭsim śviecie. Tamu navina pra karyść piva pavinna ŭzradavać amataraŭ hetaha napoju, adnak nie varta zabyvać pra škodu złoŭžyvańnia ałkaholem. Ałkahalizm maje ciažkija nastupstvy dla zdaroŭja i vyklikaje zaležnaść. U tym liku i piŭny ałkahalizm. Tamu zaŭsiody varta pamiatać, što spažyvać navat karysnyja ałkaholnyja napoi treba ŭ mieru.

Cybula amałodžvaje arhanizm

Cybula vystupaje nie tolki ŭ roli prafiłaktyčnaha srodku ad infiekcyjnych zachvorvańniaŭ, ale i amałodžvaje arhanizm. Akramia taho, hety pradukt spryjaje raźvićciu intelektualnych zdolnaściaŭ, śćviardžajuć japonskija i francuzskija daśledčyki.

Hrupa navukoŭcaŭ praviała daśledavańnie, padčas jakoha vyjaviła, što cybula ačyščaje kletki hałaŭnoha mozha. Aktyŭnyja siernyja złučeńni, jakija ŭvachodziać u jaje skład, traplajučy ŭ kroŭ, pazityŭna ŭździejničajuć na šmatlikija važnyja zony, u vyniku čaho mozh amałodžvajecca. U pryvatnaści, palapšajecca pamiać, a taksama adbyvajecca stanoŭčy ŭpłyŭ na emocyi.

Pra hajučyja ŭłaścivaści cybuli viadoma daŭno. Jana ličycca adnym ź lepšych srodkaŭ, jakija efiektyŭna zmahajucca ź infiekcyjami i sadziejničajuć umacavańniu imunitetu. Akramia taho, francuzskija navukoŭcy ŭ vyniku praviedzienych ekśpierymientaŭ vyśvietlili, što ŭžyvańnie cybuli i časnaku źnižaje ryzyku raźvićcia zachvorvańnia na rak małočnaj załozy.

Čarnicy palapšajuć pamiać

Čarnicy mohuć spryjać palapšeńniu pamiaci ŭ pažyłych ludziej. Dla hetaha dastatkova prosta ŭklučyć ich u štodzionnaje mieniu.

Pakolki čarnicy — siezonny pradukt i nie zaŭsiody ich možna znajści ŭ lesie abo na pryłaŭkach rynkaŭ, isnujuć inšyja sposaby atrymlivać naturalnyja antyaksidanty i supraćzapalenčuju padtrymku, jakoj słaviacca hetyja jahady.

Voś niekatoryja ź ich: vypivać adnu šklanku ŭ dzień 100-pracentnaha naturalnaha soku ź dzikich čarnic, dadavać u stravy sušanyja abo śviežyja jahady, užyvać čarničnyja džemy abo vykarystoŭvać śviežazamarožanyja jahady jak aśviažalny desiert.

Darečy, dziakujučy svaim hajučym ułaścivaściam, čarnicy mohuć nie tolki prypynić stratu pamiaci, ale i… pazbavić ad marščyn.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?