Usie kamandy z Paŭdniovaj Amieryki, što vyjšli na čempijanat śvietu pa futbole, vyjšli ŭ plej-of. Heta zbornyja Arhienciny, Brazilii, Uruhvaja, Parahvaja i Čyli.
Darečy, zbornyja z hetaha kantynienta dzieviać razoŭ vyjhravali Kubak śvietu: Brazilija – 5 razoŭ (1958, 1962, 1970, 1994, 2002), Uruhvaj (1930, 1950), Arhiencina (1978, 1986).
Z 13 jeŭrapiejskich kamandaŭ u plej-of prabilisia mieniej za 50%, a mienavita – šeść (Anhlija, Niamieččyna, Hałandyja, Ispanija, Partuhalija, Słavakija).
Čempijony śvietu 2006 hoda – zbornaja Italii – nie zmahła vyjści z hrupy, nie prabilisia ŭ plej-of čempijony śvietu 1998 hoda zbornaja Francyi, a taksama šviejcarcy, słaviency, hreki, sierby, datčanie.
Prabivalnaść kamandaŭ z adboračnaha turniru ŭ Azii skłała 50%. Vyjšli ŭ plej-of Japonija i Kareja, nie zmahli vyjści KNDR i Aŭstralija, što vystupała ciapier u azijackim adboračnym turniry.
Z troch zbornych, što pradstalajuć Paŭnočnuju i Centralnuju Amieryki, ŭ 1/8 finału vystupiać ZŠA i Mieksika, a Handuras jedzie dachaty.
Najlepšaja kamanda Akijanii – Novaja Ziełandyi – plej-of nie prabiłasia, ale vystupiła vielmi hodna, zhulaŭšy ŭsie matčy ŭničyju i apiaredziŭšy ŭ hrupie čempijonaŭ śvietu zborniu Italii.
Ale samy pravalny vynik – dla zbornych Afryki.
Tolki Hana vyjšła ŭ plej-of. Ałžyr, Kot dJIvuar, Kamierun, Nihieryja, PAR spynilisia na hrupavym turniry, pryčym zbornaja haspadaroŭ spabornictvaŭ upieršyniu ŭ historyi čempijanataŭ śvietu nie trapiła ŭ plej-of.
Taćciana Zareckaja bolš nie estonskaja startapierka. Ciapier jana sprabuje stać pasiarednicaj inviestaraŭ u Saudaŭskaj Aravii25
Kamientary