Minsk patrabuje ad «Hazproma» całkam pahasić zapazyčanaść za tranzit hazu.
Alaksandr Łukašenka daje Maskvie sutki na pahašeńnie ŭ poŭnym abjomie zapazyčanaści za tranzit hazu.
Pra heta jon zajaviŭ 25 červienia na naradzie z uradam pa supracoŭnictvie z KNR.
«Jašče raz papiaredžvaju ŭrad: niavypłata «Hazpromam «u poŭnym abjomie pasłuh u bližejšyja sutki pavinna pryvieści da prypynieńnia usialakich pasłuh dla Rasijskaj Fiederacyi pa transpartoŭcy vuhlevadarodnaj syraviny — nafty i hazu»,
— zajaviŭ Łukašenka.
Ranicaj pasoł Rasii ŭ Biełarusi Alaksandr Surykaŭ zajaviŭ, što hazavy kanflikt vyčarpany. «Baki raźličylisia. Jość tolki niekatoryja daŭzhadnieńni, ale ŭ apošnija dni ŭsie prajavili mudraść, źniali ŭsie abmiežavańni, a dalej niachaj pracujuć u ramkach kantraktu», — skazaŭ Surykaŭ žurnalistam pierad adkryćciom 37‑j siesii Parłamienckaha schodu sajuza Biełarusi i Rasii.
Napiaredadni «Hazprom» atrymaŭ ad Biełarusi 187 młn. dalaraŭ doŭhu za pastaŭleny ŭ 2010 hodzie haz i ŭ poŭnym abjomie adnaviŭ hazavyja pastaŭki.
U svaju čarhu, «Hazprom» pieraličyŭ Miensku 228 młn. dalaraŭ za tranzit hazu, ale Miensk patrabavaŭ 260 młn. i praciahvaje nastojvać na hetym ličby. Raźbiežka ŭźnikła ŭ suviazi z roznymi pohladami bakoŭ na staŭku tranzitu: u Biełarusi kažuć pra 1,88 dalara za tysiaču kubamietraŭ hazu na 100 km, u Rasii — pra 1,45 dalara.
Jak žyvie i čym zajmajecca Kryścina Mocnaja — mierkavanaja dačka Alaksandra Łukašenki37
Jak žyvie i čym zajmajecca Kryścina Mocnaja — mierkavanaja dačka Alaksandra Łukašenki
Viarnuŭsia z vajny, uładkavaŭsia ŭ Varšavie, pasvaryŭsia z usimi — i źnik. Pryjacieli pra eks-kalinoŭca Maksima Ralko, jakoha zatrymali ŭ Biełarusi1818
Kamientary