Ułada2020

Aktyvisty «Havary praŭdu» nie parazumielisia z BRSM

Aktyvisty niezaležnaj kampanii naviedali letnik Biełaruskaha respublikanskaha sajuza moładzi pad Rakavam.

Aktyvisty niezaležnaj kampanii naviedali letnik Biełaruskaha respublikanskaha sajuza moładzi pad Rakavam. Jany chacieli davieści maładym ludziam praŭdu ab minułych miascovych vybarach.

«Tut prachodzić letnik BRSMu, jaki, jak nam viadoma, pryśviečany padrychtoŭcy da budučych prezidenckich vybaraŭ. I my pryjechali, kab pieradać im manitorynh pa miascovych vybarach, zrobleny kampanijaj «Havary praŭdu». Takaja niezaležnaja infarmacyja moža być karysnaja im». — patłumačyŭ metu svajho pryjezdu aktyvist hramadskaj kampanii Juraś Alejnik.

Ale skazać praŭdu pierad moładździu nie atrymałasia. Na padychodzie da łahiera darohu pieraharadzili śpiecnazaŭcy.

Pahavaryć ź niečakanymi haściami vyjšaŭ načalnik adździeła pa spravach moładzi Minharvykankama Vital Brel. Jon admoviŭsia pravieści sustreču ŭ łahiery, spasłaŭšysia na zaniataść.

«Vy spantanna pryjechali z žadańniem pahavaryć. Ciapier idzie abarona łahieroŭ. Idzie prahrama… Ja nie liču heta nieabchodnaściu... Moładź ciapier zaniataja».

Ale čynoŭnik uziaŭ u aktyvistaŭ dla aznajamleńnia manitorynh. Sp. Brel nie paćvierdziŭ, što letnik arhanizavany dla padrychtoŭki da prezidenckich vybaraŭ. Ale nie staŭ admaŭlać, što 23 červienia ŭ letniku adbyłasia sustreča sa staršynioj Centrvybarkama Lidzijaj Jarmošnynaj. Siońnia, pa infarmacyi aktyvistaŭ «Havary praŭdu», moładź pavinien byŭ naviedać v. a. mera Minska Mikałaj Ładućka.

«Ja b nie kazaŭ, što całkam ničoha nie atrymałasia, — adznačyŭ Juraś Alejnik. — Sp. Brel uziaŭ niekalki asobnikaŭ z manitorynham miascovych vybaraŭ. Ale jon naŭrad ci daviadzie tuju infarmacyju da moładzi. Prabicca da ich nie atrymałasia. Ale

my miarkujem praciahvać vychodzić na praŭładnyja moładzievyja struktury, jakim, na naš pohlad, nie davodziać usiu infarmacyju.

Im padajecca infarmacyja adnabakova. A niejki niezaležny pohlad da ich nie daniesieny. I my budziem šukać sposaby heta zrabić».

Pa viartańni ŭ Minsk mašyny aktyvistaŭ spynili daišniki.

Maŭlaŭ, adno z navakolnych leciščaŭ abrabavali, a złačyncy byli na mašynach toj samaj marki, što i čalcy «Havary praŭdu». Ale paśla pravierki dakumientaŭ kiroŭcaŭ usich adpuścili.

Kamientary20

Pa čatach raspaŭsiudžvajuć navinu pra zabaronu na ŭjezd biełaruskich aŭto ŭ Polšču. Adnak heta niapraŭda2

Pa čatach raspaŭsiudžvajuć navinu pra zabaronu na ŭjezd biełaruskich aŭto ŭ Polšču. Adnak heta niapraŭda

Usie naviny →
Usie naviny

«Kali b mnie płacili — siadzieła b i čytała ludziam knihi, navat za małyja hrošy». Intervju z aktrysaj Zojaj Biełachvościk2

U voziery Śviciaź zabaranili kupacca. U čym pryčyna?1

Mercedes urezaŭsia ŭ Fiat, a paśla źbiŭ dvuch čałaviek

Tramp staŭ najstarejšym kandydatam na pasadu prezidenta ZŠA ŭ historyi5

Minsk apynuŭsia ŭ topie samych tannych haradoŭ śvietu — za žyllo treba płacić u 10 razoŭ mienš, čym u Ńju-Jorku6

Pieršyja prablemy biełarusaŭ na Alimpijadzie ŭ Paryžy. Vieślary ŭžo tam, a łodki nie prapuścili 

Topavy amierykanski časopis sprahnazavaŭ, kolki biełarusy zavajujuć miedaloŭ na Alimpijadzie. U rasijan budzie nul

Charys zaručyłasia dastatkovaj padtrymkaj dla vyłučeńnia kandydatam u prezidenty

Pucin zrabiŭ Z-śpievaka Šamana zasłužanym artystam Rasii5

bolš čytanych navin
bolš łajkanych navin

Pa čatach raspaŭsiudžvajuć navinu pra zabaronu na ŭjezd biełaruskich aŭto ŭ Polšču. Adnak heta niapraŭda2

Pa čatach raspaŭsiudžvajuć navinu pra zabaronu na ŭjezd biełaruskich aŭto ŭ Polšču. Adnak heta niapraŭda

Hałoŭnaje
Usie naviny →