Abjomy pastavak rasijskaha hazu cieraź Biełaruś u Litvu poŭnaściu adnoŭlenyja
Pra heta paviedamiła pres‑sakratar litoŭskaha pradpryjemstva pa transparciroŭcy i pastaŭkach hazu Lietuvos dujos Sihita Piatrykanite‑Jurkunienie.
23 červienia, z‑za hazavaha kanfliktu pamiž Biełaruśsiu i Rasijaj, padača hazu ŭ Litvu była skaročana bolš čym na 40%.
Pavodle słoŭ pres‑sakratara, apošnija niekalki hadzin viałosia adnaŭleńnie abjomaŭ pastavak, i na hety momant haz padajecca ŭ zvyčajnym režymie.
«U suviazi z hetym adpała nieabchodnaść pieraaryjentacyi pastavak cieraz Łatviju, adnak litoŭskaja i łatyšskaja hazatranspartnyja kampanii hatovyja na heta ŭ luby momant», — skazała Piatrykanite‑Jurkunienie.
Jana zaznačyła, što pastaŭki hazu poŭnaściu adnoŭlenyja jak dla Litvy, hetak i tranzitam u Kalininhradskuju vobłaść Rasii. Ab adnaŭleńni narmalnaha režymu tranzitu hazu prainfarmavana kiraŭnictva Litvy i ES.
Jak paviedamlałasia raniej, ranicaj 24 červienia kiraŭnik «Hazproma» Alaksiej Miler paviedamiŭ premjer‑ministru RF Uładzimiru Pucinu, što skaračeńnie abjomaŭ pastavak pryrodnaha hazu ŭ Jeŭropu cieraź Biełaruś dasiahnuła 20% z‑za niesankcyjanavanaha adboru biełaruskim bokam.
23 červienia jeŭrakamisar pa pytańniach enierhietyki Hiunter Etynhier zajaviŭ žurnalistam u Brusieli, što skaračeńnie pastavak hazu ŭ Litvu — «prablema nie prosta adnoj z krain Jeŭrasajuza, heta ŭdar pa ŭsim ES». Jon zaklikaŭ Maskvu i Minsk pavažać ułasnyja abaviazacielstvy pierad Jeŭropaj. Ich prablemy «nie pavinny być prablemaj» ES, padkreśliŭ jeŭrakamisar.
Pabačyŭšy vajnu, nie viedaŭ, jak žyć dalej. Manałoh biełaruski, jakaja pieražyła suicyd muža
Kamientary