Biełarusi spatrebicca 8—10 hadzin dla taho, kab adnavić tranzitnyja pastaŭki rasijskaha hazu ŭ Jeŭropu ŭ poŭnym abjomie. Pra heta zajaviŭ pieršy vice‑premjer Biełarusi Uładzimir Siamaška 24 červienia na pasiadžeńni apieratyŭnaha štaba pa zabieśpiačeńni ŭstojlivaj pracy sistem haza‑ i enierhazabieśpiačeńnia ŭ Minenierha.
«Biełaruś ciapier adnaŭlaje hazatranspartnuju sistemu pa pierapampoŭvańni hazu da techničnych miežaŭ, jakija byli da abmiežavańnia pastavak rasijskaha hazu ŭ krainu», — adznačyŭ Siamaška.
Jon padkreśliŭ, što ŭ vypadku atrymańnia aficyjnaha paćviardžeńnia płaciažu ad «Hazproma» za tranzit Biełaruś prapanuje kancernu «pavialičyć mahutnaść pierapampoŭvańnia hazu, kab chutčej adnavić pracu hazatranspartnaj sistemy da štatnaha režymu». Pavodle słoŭ Siamaški, u hetym vypadku Biełaruś zmoža na dva‑try hadziny skaracić čas adnaŭleńnia zvyčajnaj pracy hazapravoda.
Pieršy vice‑premjer taksama paviedamiŭ, što
Polšča i Hiermanija atrymlivali rasijski haz u poŭnym abjomie, niahledziačy na ciažkaści.
Pavodle źviestak rasijskaha boku, Biełaruś niesankcyjanavana adbirała tranzitny haz, z‑za čaho abjomy jaho pastavak u Jeŭropu skaracilisia na 20%. Pra heta paviedamiŭ kiraŭnik «Hazproma» Alaksiej Miler premjer‑ministru RF Uładzimiru Pucinu 24 červienia. Jon zaŭvažyŭ, što jeŭrapiejskija spažyŭcy niedaatrymlivali rasijski haz u sieradu i ŭ čaćvier ranicaj da taho, jak «Hazprom» vyrašyŭ adnavić pastaŭki rasijskaha hazu ŭ poŭnym abjomie.
Kamientary