Kultura

Žaleza nie skončyłasia

U halerei «Ŭ» adčyniłasia vystava-uspamin, pryśviečanaja skulptaru pa mietału Andreju Kapuśnikavu

U minskaj halerei sučasnaha mastactva «Ŭ» (Niezaležnaści, 37A) adčyniłasia vystava-ŭspamin «Žaleza skončyłasia». Tut sabranyja nieviadomyja pracy admietnaha skulptara, admysłoŭca pa mietałapłastycy, Andreja Kapustnikava.

Z pareštak traktara «Biełarus» fihury žyvieł, iržavyja kvietki z hajek i dyskaŭ - Andrej Kapuśnikaŭ stvaraŭ svoj paralelny śviet z pabočnych praduktaŭ hramadstva spažyvańnia. Materyjały dla svaich pracaŭ jon nie kuplaŭ u kramach, a šukaŭ na haryščach i zaharadnych pakidziščach. Ale ŭ ekspazicyju ciapierašniaj vystavy ŭvajšli abjekty z dreva, sieryi aŭtarskich fotazdymkaŭ i videa-materyjały. Epocha žaleza skončyłasia?

Art-dyrektarka halerei sučasnaha mastactva «Ŭ» Hanna Čystasierdava ličyć, što žaleza, jak mietafara tvorčych siłaŭ mastaka, u Kapuśnikava zaŭždy było bahata.

«Prosta na vystavie my chočam pakazać usiebakovaść talentu Andreja Kapuśnikava, jaho nakidy i pracy z absalutna inšaha ŭžo ciopłaha i pryjaznaha materyjału —dreva, — kaža Hanna Čystasierdava. — Reč u tym, što padčas svaich histaryčnych vandrovak pa Biełarusi jon źbiraŭ vieraciony, staryja koły, kab dać im novaje žyćcio ŭ svaich tvorach».

Vystava «Žaleza skončyłasia» adkryvaje nieviadomaha Kapuśnikava mnohim, chto mierkavaŭ, što dobra viedaje «žaleznaha majstra».

Akramia draŭlanych skulpturaŭ u ekspazicyi pradstaŭleny stužki ź piersanalnaha archiva, siarod jakich apovied pra supracu Kapuśnikava z rycarskimi kłubami Biełarusi. Vystava «Žaleza zakončyłasia» praciahniecca da 5 lipienia.

Andrej Kapuśnikaŭ (1963-2010). Naradziŭsia ŭ h.Čarkiesk (Rasija). U 1970 pierajechaŭ u Minsk. Paśla zakančeńnia miedyčnaj vučelni 12 hod pracavaŭ zubnym technikam. Mietałapłastykaj pačaŭ zajmacca z pačatku 1990-ch. U 2006 hodzie adbyłasia «B/U. Fłora i fauna», pieršaja piersanalnaja vystava mastaka, a ŭ 2009 hodzie vialikaja vystava ŭ halerei «Padziemka» — «Piersanalnaja irža». pracy Kapuśnikava znachodziacca ŭ Biełarusi (u pryvatnaści, u kalekcyi Nacyjanalnaha mastackaha muzieja RB), a taksama ŭ pryvatnych zborach u Litvie, Niamieččynie, Anhlii, Danii.

Kamientary

Niemiec, prysudžany da rasstrełu, datyčny da dyviersij? Voś što za historyja heta mahła być5

Niemiec, prysudžany da rasstrełu, datyčny da dyviersij? Voś što za historyja heta mahła być

Usie naviny →
Usie naviny

Iryna Faryjon pamierła ŭ balnicy15

Stary paplečnik Łukašenki paraŭnaŭ jaho z ajatałoj Chamiejni. Paraŭnańnie tak sabie2

Na Miency raskapali ŭžo try rady hakavych draŭlanych kanstrukcyj FOTA3

16-hadovaja biełaruska ŭpała z šostaha paviercha ŭ Varšavie

Iryna Abielskaja stała zasłužanaj doktarkaj16

Połk Kalinoŭskaha aficyjna paćvierdziŭ zamienu svajho kamandzira i zajaviŭ pra refarmavańnie17

Polšča raspačała palavańnie na kampanii, jakija abychodziać sankcyi suprać Biełarusi i Rasii1

Łukašenka zahadaŭ adpraŭlać na likvidacyju nastupstvaŭ urahanu palitźniavolenych17

«Pa vychadnych navat čerhi». U Minsku adkryłasia «kaśmičnaja» zona adpačynku ź biaspłatnym viarovačnym haradkom

bolš čytanych navin
bolš łajkanych navin

Niemiec, prysudžany da rasstrełu, datyčny da dyviersij? Voś što za historyja heta mahła być5

Niemiec, prysudžany da rasstrełu, datyčny da dyviersij? Voś što za historyja heta mahła być

Hałoŭnaje
Usie naviny →