U sieradu, 23 červienia, na čempijanacie śvietu pa futbole vyznačylisia jašče dvoje ŭdzielnikaŭ 1/8 finału — imi stali zbornyja ZŠA i Anhlii.

Tak, padapiečnyja Fabijo Kapeła pierajhrali Słavieniju — 1:0 (Defo, 23‑ia),

Słaviency na 69-j chvilinie paśla trajnoha ŭdaru pa varotach mieli samy realny šaniec zraŭniać lik, ale...

***

a zbornaja ZŠA zmahła vyrvać pieramohu ŭ Ałžyra — 1:0.

Na pieršaj dadadzienaj chvilinie druhoha tajma pieramožnuju kropku pastaviła hałoŭnaja zorka amierykanskaj kamandy Łendan Donavan.

Pry tym, što sudździa nie zaličyŭ hoł Klinta Dempsi.

***

Takim čynam: ZŠA — 5 bałaŭ (1 pieramoha, 2 ničyi, 0 parazaŭ, bałans miačoŭ 4—3), Anhlija — 5 (1, 2, 0, 2—1), Słavienija — 4 (1, 1, 1, 3—3), Ałžyr — 1 (0, 1, 2, 0—2).

U 1/8 finału vyjšli zbornyja ZŠA i Anhlii, pryčym amierykancy zaniali 1‑ie miesca ŭ hrupie za košt bolšaj kolkaści zabitych miačoŭ.

***

Siońnia viečaram projduć matčy ŭ hrupie «D»

Niamieččyna zhulaje z Hanaj, a Sierbija z Aŭstralijaj (21:30).

Hana — 4, Niamieččyna, Sierbija — 3, Aŭstralija — 1.

Adpaviedna kamanda, što zojmie 1‑ie miesca ŭ hetaj hrupie, u 1/8 finału zhulaje z Anhlijaj, a zbornaja, što zojmie 2-je miesca, sa zbornaj ZŠA,

***

Nahadajem, što ŭ aŭtorak vynačylisia dźvie pary ŭdzielnikaŭ 1/8 finału: Uruhvaj — Kareja (26 červienia, 17:00), Arhiencina — Mieksika (27 červienia, 21:30).

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?