U Biełarusi pavyšany minimalnyja zakupačnyja ceny na dzikarosłyja raśliny i hryby ŭradžaju 2010 hoda.

Heta zaćvierdžana sumiesnaj pastanovaj Ministerstva ekanomiki, Ministerstva lasnoj haspadarki, Ministerstva pryrodnych resursaŭ i achovy navakolnaha asiarodździa, Ministerstva achovy zdaroŭja № 97/13/27/56.

Jak paviedamiła pres‑słužba Minekanomiki, u paraŭnańni z 2009 hodam minimalnyja zakupačnyja ceny na hryby śviežyja ŭ siarednim uzraśli na 10,4%.

Za kiłahram lisičak narychtoŭščyki daduć minimum 3.000 rubloŭ, biełych hryboŭ — 3.500, padasinavikaŭ, padbiarozavikaŭ, maślakoŭ i inšych hryboŭ — 1.000.

Na jahady śviežyja ceny ŭźniaty ŭ siarednim na 5%. Kiłahram čarnic kaštuje minimum 2.600 rubloŭ, žuravin — 1.900, bruśnic — 1.800.

Na lekavuju raślinnuju syravinu ceny ŭźniaty ŭ siarednim na 8,1%. Kiłahram biarozavych pupyšak prymuć minimum za 20.000 rubloŭ, kvietak suchaćvietu — 10.000, kareniščaŭ valarjanu — 12.500, pładoŭ hłohu — 7.200, kvietak kalenduły — 7.200, kvietak lipy — 17.000, karanioŭ dźmuchaŭcu — 7.200 rubloŭ.

Na techničnuju raślinnuju syravinu, jakaja patrabuje ačystki, sartavańnia, dapracoŭki, minimalnyja zakupačnyja ceny pavyšany ŭ siarednim na 3,2%. Za kiłahram parastkaŭ bahunu bałotnaha daduć 1.950 rubloŭ, biarozavaha hryba (čaha) — 1.650, travy śviatajańniku — 1.650, listoŭ krapivy — 1.500, listoŭ tałaknianki — 2.850, travy kryvaŭniku — 1.000, travy chvašču palavoha — 1.050 rubloŭ.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?