Jak paviedamiła opierupaŭnavažany pa asabliva važnych spravach hałoŭnaha ŭpraŭleńnia pa baraćbie z ekanamičnymi złačynstvami MUS Biełarusi Vieranika Paśmiećjeva, u kasie kramy rajspažyŭtavarystva ŭ vioscy Mihdałovičy pry pieraliku hrašovaj vyručki byli vyjaŭleny čatyry padroblenyja kupiury naminałam 20 tys. rubloŭ. Jašče try takija ž kupiury byli znojdzieny ŭ vyručcy inšaha mahazina.

Padčas praviadzieńnia apieratyŭna‑vyšukovych mierapryjemstvaŭ supracoŭniki adździeła pa baraćbie z ekanamičnymi złačynstvami Dziaržynskaha RAUS ŭstanavili, što falšyŭki zbyli dva miascovyja žychary, adzin ź jakich nidzie nie pracuje, a druhi, rabočy dziciačaha sadka, raniej byŭ sudzimy za kradziež.

U chodzie vobysku doma ŭ adnaho z padazronych było znojdziena i kanfiskavana 175 padroblenych 20‑tysiačnych kupiur i piać arkušaŭ farmatu A4 z vyjavaj kupiury ŭ 10 tys. rubloŭ — pa čatyry padrobki na kožnym arkušy.

Padazronyja rastłumačyli, što falšyŭki jany znajšli na palihonie ćviordych bytavych adchodaŭ u susiedniaj vioscy. Adnak zamiest taho kab źviarnucca ŭ milicyju, jany zbyli častku padrobak u miascovych mahazinach pry raźliku za pradukty charčavańnia.

Zhodna z daviedkaj ekśpierta, kanfiskavanyja banknoty padroblenyja, nadrukavany na zvyčajnaj papiery, achoŭnaja pałasa i vadziany znak adsutničajuć.

Apieratyŭnikami dadatkova ŭstanoŭlena jašče vosiem faktaŭ zbytu anałahičnych kupiur na abjektach roźničnaha handlu ŭ Dziaržynsku.

U dačynieńni da padazronych za vyrab i zbyt falšyvych hrašovych kupiur raspačata kryminalnaja sprava (art. 221 KK). Pravodzicca rasśledavańnie.

Za čatyry miesiacy 2010 hoda ŭ Biełarusi zarehistravany 524 fakty falšyvamaniectva. Zatrymany try hrupy falšyvamanietčykaŭ.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?