Daśledavańnie, praviedzienaje na staroncy «Što internet viedaje pra ciabie» na vybarcy z bolš čym čverciu miljona naviedvańniaŭ, pakazvaje, što historyju papiarednich naviedvańniaŭ možna było vyznačyć ŭ bolš čym 75% vypadkaŭ, a dla karystalnikaŭ Google Chrome i Safari na OS X hety pracent byŭ jašče vyšejšy.

Niedachopy abarony dazvalajuć takija ataki vielmi daŭno i dobra viadomyja ŭžo bolš za 10 hadoŭ, ale ŭ minuły čaćvier daśledčykami Arturam Jankam i Łukašam Alejnikam byŭ prademanstravany šerah pryjomaŭ, jakija značna paskarajuć i padvyšajuć efiektyŭnaść atak. Akramia taho, pakazana, jak vyznačyć paštovyja indeksy, što ŭvodziacca na staronkach prahnozaŭ nadvorja, i pabačyć zapyty karystalnikaŭ u papularnych pošukavych sistemach, a taksama pravieryć, jakija artykuły čytaje karystalnik na roznych navinavych partałach. Ich daśledavańnie było pradstaŭlenaje na kanfierencyi Web 2.0 Security and Privacy – 2010 u Kalifornii, z artykułam možna paznajomicca na sajcie kanfierencyi (PDF na anhielskaj movie).

Da hetaha času tolki kamanda Mozill'y abviaściła, što viersija 4.0 Firefox dazvolić prybrać hety niedachop.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?