Prezident Biełarusi pryniaŭ zaprašeńnie zrabić aficyjny vizit u Vjetnam. Pra heta Alaksandr Łukašenka zajaviŭ 13 maja ŭ Minsku na sustrečy z prezidentam Sacyjalistyčnaj Respubliki Vjetnam Nhujen Miń Čyjetam.
Terminy vizitu buduć uzhodnieny pa dypłamatyčnych kanałach, paviedamlaje pres‑słužba prezidenta Biełarusi.
Padčas pieramoŭ Łukašenka, uspaminajučy svoj vizit u Vjetnam u krasaviku 2008 hoda, nahadaŭ, što tady było nahladna prademanstravana imknieńnie dźviuch krain pracavać sumiesna dla ŭmacavańnia dvuchbakovych suviaziej.
Pa vynikach čaćviarhovych pieramoŭ u Minsku prezidenty pryniali sumiesnuju dekłaracyju. U dakumiencie, jak paviedamlaje pres‑słužba, adlustravany padobnyja pazicyi bakoŭ pa pytańniach mižnarodnych i dvuchbakovych adnosinaŭ i paćvierdžany kurs na paśladoŭnaje ŭmacavańnie tradycyjna družalubnych suviaziej pamiž Biełaruśsiu i Vjetnamam.
Dziaržavy paćvierdzili ŭzajemnuju zacikaŭlenaść u intensifikacyi handlova‑ekanamičnaha supracoŭnictva, uzajemadziejańnia ŭ takich halinach, jak vajennaja biaśpieka, navuka i technałohii, adukacyja, achova zdaroŭja, kultura i sport.
U dekłaracyi zaznačajecca, što Vjetnam padtrymlivaje imknieńnie Biełarusi ŭstupić u Suśvietnuju handlovuju arhanizacyju. Baki taksama paćvierdzili ŭzajemnaje pryznańnie rynačnaha statusu ekanomik Biełarusi i Vjetnama i namier vyvučyć mahčymaść pierachodu da režymu svabodnaha handlu pamiž dźviuma krainami.
Kiraŭniki dziaržaŭ kanstatavali ahulnaść padychodaŭ da važnych suśvietnych i rehijanalnych prablem, paćvierdzili hatoŭnaść da ciesnaha supracoŭnictva ŭ miežach AAN, inšych mižnarodnych arhanizacyj.
Baki adznačyli važnaść zabieśpiačeńnia roŭnaj enierhietyčnaj biaśpieki ŭsich dziaržaŭ, vystupili ŭ padtrymku namahańniaŭ pa aktyvizacyi mižnarodnaha supracoŭnictva ŭ AAN u metach ažyćciaŭleńnia šyrokaha dostupu ŭsich krain da technałohij vykarystańnia alternatyŭnych i adnaŭlanych krynicaŭ enierhii.
Aprača taho, Biełaruś i Vjetnam pahadzilisia z metazhodnaściu pašyreńnia pradstaŭnictva ŭ Saviecie biaśpieki AAN krain, jakija stali na šlach raźvićcia. Kiraŭniki dziaržaŭ paćvierdzili prychilnaść da dalejšaha supracoŭnictva ŭ baraćbie z hłabalnaj źmienaj klimatu i teraryzmam u luboj jaho formie.
Biełaruskaja błohierka pracavała na rasijskaj apazicyjnaj fabrycy botaŭ, a paśla źliła dakumienty?43
Kamientary