Ahulny konkurs ŭ licei Biełaruskaha dziaržaŭnaha univiersiteta sioleta skłaŭ 6,5 čałavieka na miesca, što na 2,3 vyšej za letašni, paviedamlaje pres‑słužba BDU.
Dla pastupleńnia ŭ licej abituryjenty padali 1.379 zajaŭ.
Najbolšaja kolkaść zajaŭ — 650 — pryniata ŭ fizika‑matematyčnyja kłasy. Tut konkurs składaje 7,5 čałavieka na miesca.
Na pastupleńnie ŭ chimika‑bijałahičnyja kłasy zarehistravałasia 325 abituryjentaŭ, u fiłałahičnyja — 250, a ŭ hramadaznaŭčyja — 154.
U licej BDU majuć prava pastupać navučency, jakija pastajanna žyvuć na terytoryi Biełarusi i atrymali sioleta ahulnuju bazavuju adukacyju. Ustupnyja ekzamieny ŭ licei projduć 16 i 23 maja. Pieramožcy respublikanskaj alimpijady (dypłomy I, II i III stupieni), što pravodziłasia Ministerstvam adukacyi Biełarusi ŭ hetym navučalnym hodzie, zaličvajucca biez papiarednich ispytaŭ.
Sioleta ŭ licej BDU zapłanavana pryniać 240 navučencaŭ, ź jakich budzie sfarmiravana 12 dziesiatych kłasaŭ pa 20 čałaviek.
Vaskrasienski: Treba, kab Sikorski pryvioz padarunak Łukašenku. A Bialacki i 20 zavadataraŭ vyjduć apošnimi41
Kamientary