Novyja zabavy sioleta na «Be2gether»

Na fiestyvali «Be2gether», hledačy zmohuć nie tolki dobra pravieści čas la šmatlikich muzyčnych placovak, ale i ažanicca, paŭdzielničać u stvareńni hlinianaha horadu, a navat i pahulać u spartovy chit siezona — bossaboł.

Usie zakachanyja atrymajuć mahčymaść dać adzin adnamu klatvu ŭ niezvyčajnaj abstanoŭcy — prosta na fiestyvalnych łuhach. Viasielnyja cyrymonii buduć pravodzicca prafiesijnaj kamandaj, jakaja na čas uračystaści pazyčyć maładym fatu i halštuk, uklučyć pryhožuju muzyku i sfatahrafuje ščaśliŭcaŭ.

Kali budzie nieabchodna, vam navat znajduć abo arandujuć žanicha ci niaviestu. Anałahičnyja cyrymonii pravodzilisia ŭ 2007 hodzie na pieršym fiestyvali «Be2gether» — tady šlubam pabralisia bolš za 50 par.

Na «Be2gether» sioleta taksama buduć budavać horad z hliny Samy vialiki ŭ krainach Bałtyi fiestyval muzyki i mastactvaŭ budzie ŭviekaviečany ŭ vyhladzie mastackaj instalacyi z hliny płoščaj 50 kvadratnych mietraŭ.

Jaje aŭtary z tvorčaha abjadnańnia Art Forge zaprašajuć usich naviedvalnikaŭ «Be2gether» pryniać udzieł u prajekcie. Madel fiestyvalu budzie stvorana na admysłovaj terytoryi. Na joj budzie pradstaŭleny zamak Narviliškies, navakolnyja budynki, sceny, namiotavaje miastečka i inšyja abjekty. Hości fiestyvalu zmohuć stvaryć svaje ŭłasnyja hlinianyja statuetki i minijaciurnyja kopii namiotaŭ dy takim čynam nazaŭsiody ŭviekaviečyć siabie.

Akramia ŭsiaho hetaha, naviedvalniki fiestyvalu «Be2gether» zmohuć ubačyć i asabista paŭdzielničać u zachaplalnaj hulni bossaboł. Hety novy vid spartyŭnaha adpačynku na nadzimanaj valejbolnaj placoŭcy ŭžo staŭ siensacyjaj u Ispanii i ZŠA, dzie źbiraje šmat prychilnikaŭ.

U bossaboł hulajuć kamandami pa 3, 4 abo 5 čałaviek. Meta taja ž, što i ŭ valejbole — trapić miačom u placoŭku supiernika. Dla hulni vykarystoŭvajuć śpiecyjalnuju valejbolnuju placoŭku z pavietranymi tramplinami na abodvuch bakach. Jany dapamahajuć lohka i biaśpiečna vykonvać roznyja himnastyčnyja štuki na vialikaj vyšyni i atrymlivać dadatkovyja bały samym niezvyčajnym čynam. Nazva hulni zvyčajna asacyirujecca z brazilskaj samba-muzykaj«bosa-nova». Navat refiery tut nazyvajuć «samba ref». Jon vykarystoŭvaje śvistok, mikrafon i pierkusiju, kab pieratvaryć hulniu ŭ śviata. Haračyja rytmy i chutki temp pravakujuć ŭsio bolš enierhičny temp, jaki zavodzić aŭdytoryju i hulcoŭ.

Fiestyval «Be2gether» projdzie 25–27 červienia. U jaho ramkach buduć hulni i tvorčyja placoŭki, teatralnaje šou i mnostva viesiałości. Na dvuch fiestyvalnych scenach i ŭ pałatcy dla tancavalnaj muzyki vystupiać Empire Of The Sun, Skunk Anansie, Roots Manuva, Ruble, Silence Family, Skamp, a taksama dziesiatki inšych hurtoŭ z roznych krain śvietu.

Biełaruskim chedłajnieram sioleta na «Be2gether» budzie Lavon Volski z «Biełaj jabłyniaj hromu».

Zamović kvitki i atrymać bolš padrabiaznuju infarmacyju ab prahramie fiestyvalu možna tut.

• 0
• 0
• 0
• 0
• 0
• 0
• 0
• 0