Napiaredadni Mižnarodnaha dnia bijałahičnaj raznastajnaści, jaki adznačajecca 22 maja, hramadskaja arhanizacyja «Achova ptušak Baćkaŭščyny» (APB) sumiesna ź Ministerstvam pryrodnych resursaŭ i achovy navakolnaha asiarodździa pravodzić 15 maja akcyju «Sałaŭinyja nočy».
Jak paviedamiŭ śpiecyjalist pa ekałahičnaj adukacyi APB Rusłan Šajkin, asnoŭnaja meta akcyi — dałučyć ludziej da nazirańniaŭ za sałaŭjami i ŭliku hetych ptušak. Hałoŭnym vynikam jaje stanie «Sałaŭinaja karta — 2010», padrychtavanaja na padstavie paviedamleńniaŭ amataraŭ pryrody i prafiesijanałaŭ, jakuju atrymajuć usie ŭdzielniki ŭliku.
ajkin adznačyŭ, što sałaŭi prylatajuć u Biełaruś u kancy krasavika — pačatku maja. Sioleta pieršyja sałaŭi zaśpiavali ŭ Minsku 27 krasavika. Pasialajecca sałaviej zvyčajna ŭ vilhotnych miescach, dzie zachavałasia bahataja pryrodnaja raślinnaść, hustyja chmyźniaki i travy.
Akcyja «Sałaŭinyja nočy» pravodzicca z 2007 hoda ŭ trecija vychadnyja maja. Štohod udzielnikami nazirańniaŭ i ŭliku stanoviacca tysiačy ludziej, adznačyŭ Šajkin.
Dla ŭdziełu ŭ akcyi nieabchodna patelefanavać pa numarach u Minsku: 263‑06‑13, 263‑01‑30 i paviedamić pra miescy śpievaŭ sałaŭjoŭ. 15 i 16 maja zvanić možna ŭ luby čas sutak. Abanienty «MTS» i velcom mohuć taksama adpravić infarmacyju pra miescy śpievaŭ sałaŭjoŭ SMS na numar 0841.
Siarod udzielnikaŭ uliku budzie razyhrany palavy kamplekt APB, jaki ŭklučaje binokl, vyznačalnik ptušak, dysk z hałasami ptušak, kiepku i značok arhanizacyi.
15 maja dla ŭsich žadajučych u Centralnym bataničnym sadzie i Minskim zaaparku z 10.00 da 15.00 buduć arhanizavany śpiecyjalnyja placoŭki dla znajomstva z sałaŭjami. Tam možna budzie pasłuchać ich śpievy i pasprabavać panazirać za hetymi ptuškami.
Kamientary