Hierb VKŁ «Pahonia» ŭniesieny ŭ Dziaržaŭny śpis historyka-kulturnych kaštoŭnaściaŭ Respubliki Biełaruś.
Status hierba Vialikaha kniastva Litoŭskaha «Pahonia» zamacavany histaryčna i aficyjna. Pra heta zajaviŭ 3 maja na pres-kanfierencyi ŭ Minsku namieśnik staršyni Hieraldyčnaj rady pry prezidencie, dyrektar departamienta pa archivach i spravavodstvie Ministerstva justycyi Uładzimir Adamuška, adkazvajučy na pytańnie BiełaPAN.
Jon adznačyŭ, što ŭ krainie dziejničajuć aficyjnyja dziaržaŭnyja znaki, zaćvierdžanyja zakanadaŭstvam Biełarusi. «Status ža byłych dziaržaŭnych znakaŭ nie zaćvierdžany ajčynnym zakanadaŭstvam», — skazaŭ Adamuška.
Hierb VKŁ «Pahonia» ŭniesieny ŭ Dziaržaŭny śpis historyka-kulturnych kaštoŭnaściaŭ Respubliki Biełaruś, adznačyŭ jon.
«Hety hieraldyčny znak znajšoŭ svajo miesca na hierbach haradoŭ Viciebsk, Vierchniadźvinsk i Lepiel (Viciebskaja vobłaść), a taksama Rečyca (Homielskaja vobłaść). Takim čynam, vyjava hetaha hierba zamacavana histaryčna i aficyjna», — padkreśliŭ Adamuška.
Pavodle słoŭ sakratara Hieraldyčnaj rady pry prezidencie Maryny Jalinskaj, Ministerstva kultury nie paličyła nieabchodnym unosić bieł-čyrvona-bieły ściah u Dziaržaŭny śpis historyka-kulturnych kaštoŭnaściaŭ Respubliki Biełaruś, bo jon staŭ znakam Biełaruskaj Narodnaj Respubliki pa prapanovie dziaržaŭnaha sakratara BNR Kłaŭdzija Duž-Dušeŭskaha tolki ŭ pačatku 1919 hoda. «Inšaja sprava, što samo spałučeńnie biełaha i čyrvonaha koleraŭ histaryčna ŭłaścivaje biełarusam», — skazała Jalinskaja.
Staršynia Biełaruskaha dobraachvotnaha tavarystva achovy pomnikaŭ historyi i kultury Anton Astapovič prytrymlivajecca inšaha punktu hledžańnia. Jon zajaviŭ, što «ŭdzielniki pres-kanfierencyi, vidać, zabylisia, što bieł-čyrvona-bieły ściah źjaŭlaŭsia dziaržaŭnym znakam Respubliki Biełaruś z 1991 pa 1995 hady, i pad hetym ściaham adbyvałasia stanaŭleńnie sučasnaj niezaležnaj biełaruskaj dziaržavy». Voś čamu bieł-čyrvona-bieły ściah «całkam» adpaviadaje kryteryjam, što pradjaŭlajucca da historyka-kulturnych kaštoŭnaściaŭ Respublicy Biełaruś, padkreśliŭ Astapovič.
Jak žyvie i čym zajmajecca Kryścina Mocnaja — mierkavanaja dačka Alaksandra Łukašenki24
Jak žyvie i čym zajmajecca Kryścina Mocnaja — mierkavanaja dačka Alaksandra Łukašenki
Viarnuŭsia z vajny, uładkavaŭsia ŭ Varšavie, pasvaryŭsia z usimi — i źnik. Pryjacieli pra eks-kalinoŭca Maksima Ralko, jakoha zatrymali ŭ Biełarusi1515
Kamientary