Praciahnieńnie dypłoma Rady Jeŭropy dla Biełaviežskaj puščy znoŭ adkładziena. Najbližejšym časam prajekt adpaviednaha rašeńnia pavinien być zaćvierdžany Kamitetam ministraŭ RIE, paviedamili ŭ administracyi nacyjanalnaha parku «Biełaviežskaja pušča».
Dypłom RIE — prestyžnuju ŭznaharodu, jakoj adznačajuć pośpiechi nacyjanalnych parkaŭ i zapaviednikaŭ u śfiery achovy pryrody, — Biełaviežskaja pušča atrymała ŭ 1997 hodzie. Jak paviedamiŭ pradstaŭnik nacyjanalnaha parku, ciapier dziejańnie dypłoma RIE dla Biełaviežskaj puščy časova prypyniena.
Nahadajem, u kastryčniku 2007 hoda biełaruski bok pavinien byŭ pradstavić ekśpiertam SIE płan kiravańnia parkam na dziesiać hadoŭ, jaki źjaŭlajecca ŭmovaj praciahnieńnia dziejańnia dypłoma, adnak da hetaha termina dakumient padrychtavać nie atrymałasia. Biełaruskaje MZS nakiravała kamitetu RIE pa pytańniach zachavańnia bijałahičnaj i łandšaftnaj raznastajnaści list, u jakim tłumačylisia pryčyny zatrymki z padrychtoŭkaj płana, a taksama zapeŭnivałasia, što pryrodaachoŭnaja i haspadarčaja dziejnaść u Biełaviežskaj puščy adpaviadaje patrabavańniam i rekamiendacyjam RIE.
Kamitet pryniaŭ da ŭvahi hetyja tłumačeńni i pieranios razhlad pytańnia na listapad 2007 hoda, zatym — na viasnu 2008‑ha, na sakavik 2009‑ha i, narešcie, na sakavik 2010 hoda.
Pavodle słoŭ pradstaŭnika nacyjanalnaha parku, ekśpierty SIE ŭ čarhovy raz adkłali praciahnieńnie dypłoma RIE dla Biełaviežskaj puščy ŭ suviazi z tym, što jany majuć namier asabista pierakanacca, «jak budzie pracavać płan kiravańnia parkam». Čakajecca, što sioleta dla acenki efiektyŭnaści jaho mierapryjemstvaŭ nacyjanalny park naviedaje misija ekśpiertaŭ JUNIESKA i Mižnarodnaha savieta achovy pryrody.
Akramia taho, ekśpierty RIE paprasili biełaruski bok dasłać poŭnuju viersiju płana, pierakładzienuju na anhlijskuju movu. Dahetul na anhlijskuju movu była pierakładziena tolki dyrektyŭnaja častka płana, jakaja ŭklučaje pryrodaachoŭnyja mierapryjemstvy, — prykładna treć ŭsiaho dakumienta.
Jak žyvie i čym zajmajecca Kryścina Mocnaja — mierkavanaja dačka Alaksandra Łukašenki37
Jak žyvie i čym zajmajecca Kryścina Mocnaja — mierkavanaja dačka Alaksandra Łukašenki
Viarnuŭsia z vajny, uładkavaŭsia ŭ Varšavie, pasvaryŭsia z usimi — i źnik. Pryjacieli pra eks-kalinoŭca Maksima Ralko, jakoha zatrymali ŭ Biełarusi1818
Kamientary