Aktyvistu Biełaruskaj Chryścijanskaj Demakratyi z Homiela Alaksandru Šarypavu piśmova paviedamili, što nie praciahnuć ź im pracoŭny kanrakt na nastupny dzień paśla rehistracyi kandydatam u deputaty. «A kali raptam stanieš deputatam — my źniščym svajo paviedamleńnie», — skazali kandydatu na pradpryjemstvie.

A.Šarypaŭ pracuje viadučym inžynieram na pryvatnym pradpryjemstvie «Homielkaapdruhresursy». 25 sakavika

jon atrymaŭ paśviedčańnie kandydata ŭ deputaty Homielskaha haradskoha i abłasnoha savietaŭ deputataŭ, a ŭžo na nastupny dzień — piśmovaje paviedamleńnie z pracy ab tym, što ź im nie praciahnuć kantrakt.
«Ja im jak kostka ŭ horle, bo zakony dobra viedaju, asabliva Pracoŭny Kodeks, vykryvaju niapraŭnyja zahady kiraŭnictva, dapamahaju sudzicca z najmalnikam niezakonna zvolnienym pracaŭnikam, — kaža aktyvist BCHD. — Padstavaŭ zvolnić mianie raniej nie znajšli — ja nie pju, nie spaźniajusia, narakańniaŭ pa pracy nie maju. Voś adzinaja ichnaja łaziejka — kantrakt».

Adnak kali Šarypaŭ stanie deputatam, to, zhodna zakanadaŭstva, zvolnić jaho zmohuć tolki pa ŭłasnym žadańni. Na dumku kandydata, jon maje padtrymku vybarščykaŭ i dobryja šancy na pieramohu.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?