Biełaruskaja chryścijanskaja demakratyja i abjadnańnie litarataraŭ-chryścijanaŭ «Dabraviest» abviaščaje paetyčny konkurs da 100-hodździa Łarysy Hienijuš.

Mety konkursu:

• iadnańnie prahresiŭnych tvorčych sił na hlebie demakratyčnych, chryścijanskich i nacyjanalnych kaštoŭnaściaŭ;

• padtrymka talenavitaj moładzi i adoranych ludziej z abłaściej i rajonaŭ.

Umovy:

Na konkurs prymajucca vieršy hramadskaha hučańnia z vyraznaj pazicyjaj aŭtara, z pašanaj da historyi i tradycyj naroda, z kłopatam pra ekałohiju dušy i asiarodździa.

Terminy:

Konkurs pravodzicca z krasavika pa červień (uklučna) 2010 hoda. Vyniki buduć padviedzienyja da 1 žniŭnia h.h. Rukapisy možna dasyłać jak u elektronnym vyhladzie, tak i na papiery z paznačeńniem bijahrafičnych źviestak, adrasu, telefona i inšych kantaktaŭ aŭtara.

Našy adrasy:
220123, h. Minsk, a/s 324
[email protected]

Uhanaravańnie:

Aŭtary siami lepšych vieršavanych nizak atrymajuć pamiatnyja pryzy. Asobnyja tvory płanujecca źmiaścić u almanachu «Dabraviest».

Staršynia žury konkursu — Pavał Sieviaryniec, sakratar — Halina Karžanieŭskaja.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?