Śviet99

91-hadovy prezident Kamieruna vystaviŭ svaju kandydaturu na novy termin

Prezident Kamieruna Pol Bija aficyjna vystaviŭ svaju kandydaturu dla ŭdziełu ŭ vybarach kiraŭnika dziaržavy, jakija pavinny adbycca 12 kastryčnika. Heta buduć dla jaho vośmyja vybary, a ŭvohule kiruje krainaj jon z 1982 hoda.

Prezident Kamieruna Pol Bija. Fota: Lintao Zhang / Pool Photo via AP

Kanstytucyja Kamieruna nie abmiažoŭvaje kolkaść terminaŭ i ŭzrost kiraŭnika dziaržavy, a vybirajecca tam prezident na 7 hadoŭ.

13 lutaha Polu Bija spoŭnicca 92 hady, i jon ciapier — najstarejšy dziejny kiraŭnik dziaržavy na płaniecie. Nastupnyja za im — 89-hadovy karol Saudaŭskaj Aravii Sałman ibn Abduł-Aziz ibn Abdurrachman ibn Fiejsał Al Saud i 88-hadovy papa rymski i kiraŭnik karlikavaj dziaržavy Vatykan Francišak. Jość, praŭda, jašče 89-hadovy prezident Paleściny Machmud Abas, ale status hetaj krainy jak suvierennaj dziaržavy i subjekta mižnarodnaha prava, jak viadoma, sumnieŭny.

Što da Pola Bija, to jon z časoŭ nabyćcia Kamierunam niezaležnaści ŭ 1960 hodzie tolki druhi kiraŭnik hetaj krainy. Pierad im 22 hady niaźmienna kiravaŭ Achmadu Achidža, pry jakim Bija z 1975 hoda byŭ premjer-ministram. Paśla adnak, nibyta pa stanie zdaroŭja jon pravioŭ tranzit ułady, 4 listapada 1982 hoda pieradaŭšy jaje Polu Bija. 

Svajho papiarednika Bija ŭžo praz hod adusiul adsunuŭ i abvinavaciŭ u padrychtoŭcy vajskovaha pieravarotu. U suviazi z hetym Achmadu Achidža musiŭ padacca ŭ emihracyju, a na radzimie byŭ zavočna asudžany da śmiarotnaha pakarańnia, zamienienaha na pažyćciovaje źniavoleńnie. U 1989 hodzie jon pamior u stalicy Sieniehała Dakary, a praz dva hady Bija jaho aficyjna reabilitavaŭ i navat ušanavaŭ. Ciapier, naprykład, imieniem Achmadu Achidža nazyvajecca stadyjon u stalicy Kamieruna Jaŭnde.

A Pol Bija ad taho fatalnaha dla Achmadu Achidža tranzitu tak svaich palcaŭ i nie raściskaje.

Pa ahulnym terminie znachodžańnia pry ŭładzie jon ciapier, darečy, sastupaje tolki 78-hadovamu karalu Šviecyi Karłu XVI Hustavu, jaki na tronie z 15 vieraśnia 1973 hoda, i 82-hadovamu prezidentu Ekvataryjalnaj Hviniei Teodora Abijanh Nhiema Mbasoha, jaki na pasadzie z 3 žniŭnia 1979 hoda. Kali ž brać pad uvahu, što šviedski karol kiraŭnik krainy tolki farmalna, to siarod realnych kiraŭnikoŭ Pol Bija na ćviordym druhim miescy. 

Jak ni dziŭna, ale ź inšym palityčnym doŭhažycharom, Alaksandram Łukašenkam, prezident Kamieruna pakul što ščylnych kantaktaŭ nie naviazaŭ. Mahčyma, tamu, što kamierunski režym usio ž jašče z časoŭ Chałodnaj vajny byŭ aryjentavany na zachavańnie dobrych adnosin z Zachadam i ciapier Pol Bija — kiraŭnik nie prarasijski. Zrešty, z Teodora Abijanham Nhiema Mbasoha da pazaminułaha hoda ŭ Łukašenki taksama asablivych kantaktaŭ nie było, tamu, mahčyma, i z Polem Bija jašče taksama ŭsio napieradzie, tym bolš uličvajučy ciapierašniuju vialikuju ŭvahu da afrykanskaha viektara. 

Na apošnich vybarach u 2018 hodzie vynik Pola Bija, darečy, byŭ davoli «prystojny» jak dla afrykanskaha dyktatara z takim stažam — «usiaho» 71,28%. Ale, viadoma, pra svabodnaść i demakratyčnaść hetych vybaraŭ kazać nie davodzicca. 

Kamientary9

  • daviedka
    26.01.2025
    Łukašienko, koniečno, soviesť nie pozvolit tak dołho dieržaťsia za vłasť, poetomu zavtra k noči vsio ohraničitsia objavlenijem priedvaritielnych riezultatov v 91%.
  • Hłuzdy
    26.01.2025
    Napiaredadni "vybaraŭ" u Biełarusi takija naviny tolki i pościć :)))
  • nidavierčyvy vilejčuk
    26.01.2025
    nie daj boh nam takoha ščaścia

Biełyja dy čyrvonyja kvietki i mora śloz. Jak u Vilni sustrakali Palinu Šarendu-Panasiuk29

Biełyja dy čyrvonyja kvietki i mora śloz. Jak u Vilni sustrakali Palinu Šarendu-Panasiuk

Usie naviny →
Usie naviny

Azierbajdžan spyniŭ u krainie dziejnaść «Rassupracoŭnictva»9

Łukašenka zajaviŭ pra ŭzmacnieńnie paŭnamoctvaŭ miascovaj ułady ŭ dačynieńni da pryvatnaha siektara9

U «Minsk-Śviecie» siońnia zdaryŭsia patop4

Stryžak nazvaŭ, kolki zvarotaŭ pryjšło ŭ BYSOL praz uzłom «Biełaruskaha Hajuna»2

Na trasie Minsk — Brest ciahnik źbiŭ mikraaŭtobus

Cichanoŭskaja: «Apošni raz ja čuła hołas muža čatyry hady tamu». Siarhiej Cichanoŭski znachodzicca ŭ režymie inkamunikada 700 dzion13

Praź śpiešku CRU źliło imiony svaich maładych supracoŭnikaŭ, na jakich palujuć kitajskija śpiecsłužby7

Biełaruskaja palityčnaja emihrantka lacieła ŭ Hruziju na samalocie, jaki ekstranna pasadzili ŭ Iranie9

Biełarusku biez tłumačeńnia pryčyn źniali z rejsa ŭ minskim aeraporcie i adpravili ŭ RUUS6

bolš čytanych navin
bolš łajkanych navin

Biełyja dy čyrvonyja kvietki i mora śloz. Jak u Vilni sustrakali Palinu Šarendu-Panasiuk29

Biełyja dy čyrvonyja kvietki i mora śloz. Jak u Vilni sustrakali Palinu Šarendu-Panasiuk

Hałoŭnaje
Usie naviny →

Zaŭvaha:

 

 

 

 

Zakryć Paviedamić