I viarnuli nazvu hary Mak-Kinli.

ZŠA aficyjna pierajmienavali Mieksikanski zaliŭ u Amierykanski. Pra heta paviedamlajecca na sajcie Ministerstva ŭnutranych spraŭ krainy.
«Zhodna z ukazam prezidenta Donalda Trampa, Mieksikanski zaliŭ ciapier aficyjna budzie nazyvacca Amierykanskim zalivam, a samaja vysokaja viaršynia Paŭnočnaj Amieryki znoŭ budzie nasić imia hary Mak-Kinli», — adznačajecca ŭ paviedamleńni.
Pavodle viedamstva, zaliŭ maje «centralnaje značeńnie dla nacyi» jak «najvažniejšaja arteryja dla amierykanskaha handlu, enierhietyčnaj vytvorčaści i marskoj pramysłovaści».
Donald Tramp zajaviŭ, što Uiljam Mak-Kinli, jaki zajmaŭ pasadu prezidenta ZŠA z 1897 pa 1901 hod, «zrabiŭ našu krainu vielmi bahataj dziakujučy taryfam i talentu — jon byŭ pryrodžanym biźniesmienam». Darečy, jaho zabiŭ, pa adnych źviestkach, syn vychadca ź Vilenskaj hubierni.
Haru na Alascy nazvali ŭ honar Mak-Kinli ŭ 1917 hodzie. Adnak u 2015 hodzie viaršyniu pierajmienavali ŭ Denali, što na movie karennych žycharoŭ aznačaje «vysokaja».
Źmiena nazvy Mieksikanskaha zaliva vyklikaje sprečki. Reuters adznačaje, što novaje imia naŭrad ci budzie pryznana na mižnarodnym uzroŭni. Mieksika, jakaja taksama miažuje z zalivam, zajaŭlaje, što mižnarodna pryznanaja nazva vykarystoŭvajecca ŭ marskoj navihacyi ŭžo sotni hadoŭ.
Kamientary
Moskvu v Ńju-Vasiuki
Vašinhton v Cirk)