Adbyłasia avaryja na kanalizacyjnym trubapravodzie CEC-3 u Minsku
23 studzienia na kanalizacyjnym trubapravodzie Minskaj CEC-3 adbyłasia avaryja. Administracyja Zavodskaha rajona Mienska zajaŭlaje, što ŭciečka ściokavych vod praduchilenaja.

«23 studzienia adbyŭsia złom viedamasnaha kanalizacyjnaha trubapravoda (CEC-3 RUP «Minskenierha»). Ułaśnikam apieratyŭna pryniaty miery pa praduchileńni ŭciečki ściokavych vod. Inšyja spažyŭcy nie paciarpieli. Na 19:00 24 studzienia ramontnyja raboty zavieršanyja», — zajaviŭ pieršy namieśnik kiraŭnika administracyi Zavodskaha rajona Dźmitryj Marcinkievič.
Čynoŭniki padkreślili, što infarmacyja pra avaryju kalektara ŭ Dražni, jakaja źjaviłasia ŭ sacsietkach, źjaŭlajecca niekarektnaj. Nasamreč incydent nibyta adbyŭsia ŭ rajonie vulicy Ałtajskaja.
Kamientary