Na miescy zharełaha handlovaha centra ŭ Viciebsku mohuć znoŭ pabudavać kinateatr
Staršynia Viciebskaha abłvykankama Alaksandr Subocin pravioŭ sustreču z pracoŭnym kalektyvam Viciebskaj haradskoj balnicy chutkaj miedycynskaj dapamohi. Padčas razmovy jon zakranuŭ i pytańnie budučyni budynka HC «Biełaruś», jaki surjozna paciarpieŭ ad pažaru 13 śniežnia 2024 hoda.

Pa słovach Subocina, na hetym miescy nieabchodna stvaryć niešta pryhožaje i funkcyjanalnaje, mahčyma, navat adnavić kinateatr, jaki raniej znachodziŭsia ŭ hetym budynku.
«Centr horada chaciełasia b zrabić prystojnym. Jak staršynia abłvykankama, ja prykładu ŭsie namahańni, kab heta było miesca, maksimalna karysnaje dla ŭsich», — zajaviŭ Subocin.
Budynak HC «Biełaruś» byŭ pabudavany ŭ 1972 hodzie jak šyrokafarmatny kinateatr, ale ŭ 2006 hodzie jaho pieraabstalavali pad handlovy centr. Padčas śniežańskaha pažaru budynak surjozna paciarpieŭ, asabliva pierakryćci. Ciapier razhladajecca pytańnie ab jaho znosie i budaŭnictvie novaha abjekta, bolš adpaviednaha centralnaj častcy horada. Kančatkovaje rašeńnie adnosna losu budynka pakul nie pryniata.
U vyniku mocnaha pažaru ŭ HC «Biełaruś» u Viciebsku 13 śniežnia paciarpieli 20 čałaviek.
Nazva ad kinateatra, vyhlad ad aŭtara viciebskaj piramidy, na vierchnim paviersie — dzieci. Što viadoma pra handlovy centr, jaki hareŭ u Viciebsku
Šmat draŭlanych kanstrukcyj. Čamu ŭskładniałasia tušeńnie pažaru ŭ HC «Biełaruś» u Viciebsku
Jak vyhladaje ŭnutry handlovy centr u Viciebsku paśla pažaru FOTY
HC «Biełaruś» u Viciebsku, dzie byŭ mocny pažar, padumvajuć źnieści
Z balnicy vypisali apošniuju paciarpiełuju ad pažaru ŭ viciebskim HC. Joj daviałosia nanova vučycca dychać
Siarod zatrymanych pa spravie pažaru ŭ viciebskim handlovym centry, vierahodna, jahony ŭładalnik
Kamientary