Digital Intelligence Team dzielicca padrabiaznaściami ab novym miedcentry, raspracavanym Biełdziaržprajektam dla supracoŭnikaŭ KDB.
Jak śviedčać dakumienty, atrymanyja ad BELPOL, budaŭnictva miedcentra było zapłanavana na terytoryi, jakaja naležyć Vajskova-miedycynskamu ŭpraŭleńniu KDB RB (pa vulicy Makajonka, 13 u Minsku), i pačałosia ŭ krasaviku 2024 hoda. Zaviaršyć prajekt płanavałasia da śniežnia taho ž hoda.
Aficyjnaja meta novaj miedustanovy — pavyšeńnie jakaści akazańnia miedycynskaj dapamohi dla supracoŭnikaŭ i vieteranaŭ KDB, a taksama ich siemjaŭ. Finansavańnie prajekta ažyćciaŭlajecca za košt «sponsarskich srodkaŭ».
Ahulny košt budynka skłaŭ 31,66 młn rubloŭ (9,67 młn dalaraŭ), a abstalavańnie centra abyšłosia jašče ŭ 20,86 młn rubloŭ (6,38 młn dalaraŭ), i heta biez uliku mebli.
Koratka pra abstalavańnie kliniki:
- harderob aŭtamatyčny dla naviedvalnikaŭ,
- achova,
- pracedurnaja MRT,
- pracedurnaja KT,
- pracedurnaja mamahrafii,
- pracedurnaja RK,
- kabiniet EKH,
- 2 kabiniety ŭltrahukavoj dyjahnostyki,
- kabiniet elektraniejramijahrafii (ENMH — sučasny mietad abśledavańnia, jaki nakiravany na vyznačeńnie stanu niervovaj sistemy i skaračalnaj zdolnaści ciahlic),
- pakoj ekstranaj dapamohi,
- 3 pakoi adpačynku i kanfierenc-zała,
- kala 4 dziasiatkaŭ kandycyjanieraŭ (na 3 pavierchi),
- videanazirańnie (31 videakamiery na abjekcie).
To-bok, centr budzie zabiaśpiečvać šyroki śpiektr dyjahnastyčnych daśledavańniaŭ: ad ultrahukavoj dyjahnostyki da sučasnych pracedur MRT i ENMH.
A što pa abstanoŭcy?
Unutry naviedvalnikaŭ sustrakaje abstanoŭka, jakaja chutčej nahadvaje raskošny hatel, čym miedycynskuju ŭstanovu.
Kresły i kanapy ad niatannaha brenda Sofa Club Avalon. Košt adnaho takoha kresła dasiahaje 2 400 dalaraŭ, choć niekatoryja ź ich možna nabyć «vyhadna i pa źnižcy» prykładna za 1 300 dalaraŭ. Hety elemient interjeru padkreślivaje: klinika stvarajecca nie prosta dla akazańnia miedycynskich pasłuh, a dla stvareńnia ekskluziŭnych umoŭ dla abranych.
Abstalavańnie kliniki: technałohii na miljony
Klinika abstalavana pa apošnim słovie techniki, z vykarystańniem sučasnych i darahich rašeńniaŭ. Tolki miedycynskaje abstalavańnie abyšłosia ŭ 6,38 miljona dalaraŭ. Voś tolki niekatoryja z klučavych pazicyj:
MRT-aparat Ingenia Elition X na 3 Tł — koštam $3,89 młn — heta adzin z samych sučasnych aparataŭ dla mahnitna-rezanansnaj tamahrafii.
KT-skanier Incisive CT za €900 000 (biez uliku PDV i razmytnioŭki).
Ultrahukavy aparat Affiniti 70 — adzin kamplekt kaštuje €130 000 (biez razmytnioŭki i PDV).
Aparat renthienaŭski mamahrafičny «Mamaekśpiert» — 590 000 rub (~$180 000)
Padazronyja zakupki: chto staić za pastaŭkami abstalavańnia?
Pastaŭščykom darahoha miedycynskaha abstalavańnia (KT-skanier Incisive CT, ultrahukavy aparat Affiniti 70 i MRT-aparat Ingenia Elition X) dla kliniki vystupiła kampanija MED S & P AS (Estonija), źviazanaja ź niejkim Dźmitryjem Krylenkovym, 1991 h. n. Asablivuju cikavaść vyklikaje košt hałoŭnaha nabyćcia — aparata MRT Ingenia Elition X.
Pieršapačatkova košt hetaha abstalavańnia ŭ pastaŭščyka składała 3 000 000 jeŭra. Adnak paśla ŭsich pracedur, uklučajučy PDV i razmytnioŭku, kančatkovy košt vyras da 12 744 800 biełaruskich rubloŭ, što ekvivalentna prykładna 3,89 młn dalaraŭ ZŠA. Dla paraŭnańnia, u volnym prodažy jon kaštuje prykładna 1,3 młn dalaraŭ ZŠA. Roźnica praktyčna ŭ 3 razy vyklikaje pytańni.
Uvahu taksama pryciahvaje zakupka renthienaŭskaha mamahrafičnaha aparata, košt jakoha skłaŭ 590 000 bieł. rubloŭ. Pastaŭščykom vystupiła kampanija «ADVIN Smart Fektary», ale detali vyklikajuć pytańni. Na elektronnym aŭkcyjonie, dzie była raźmieščana hetaja zakupka, danyja ab pastaŭščyku, jaho krainie, miescaznachodžańnie i UNP akazalisia ŭtojenymi. Heta vyklikaje peŭnyja sumnievy ŭ prazrystaści pracesu.
Bolš padrabiazna rasśledavańnie moža pačytać tut.
Biełyja dy čyrvonyja kvietki i mora śloz. Jak u Vilni sustrakali Palinu Šarendu-Panasiuk29
Kamientary