Śviet

Vydaviec The Sun aficyjna vybačyŭsia pierad pryncam Hary

Vydaviec brytanskaha tabłoida The Sun publična vybačyŭsia pierad pryncam Hary za niezakonnaje ŭvarvańnie ŭ jaho asabistaje žyćcio i abaviazaŭsia vypłacić jamu kampiensacyju.

Prync Hary i Miehan Markł z synam Arčy. Fota: Toby Melville / Getty Images

Pra dasiahnutaje dasudovaje pahadnieńnie paviedamiŭ advakat prynca Hary, małodšaha syna brytanskaha karala Karła III, u sieradu ŭ Viarchoŭnym sudzie Łondana, dzie pavinien byŭ pačacca praces pa padadzienych pryncam iskach.

Harry raniej padaŭ pazovy suprać haziet The Sun i ciapier nieisnujučaha vydańnia News of the World. Paviedamlajecca, što miedyjahrupa News Group Newspapers, jakaja naležyć miedyjamahnatu Rupiertu Miordaku, pryznała parušeńnie zakona: jana sačyła za pryncam Hary i jaho blizkimi, atrymlivajučy infarmacyju pra jaho pryvatnaje žyćcio. Siarod inšaha byŭ uzłamany jaho telefon. Pryncu byli pryniesieny «poŭnyja i biezumoŭnyja» vybačeńni.

Suma kampiensacyi nie nazyvajecca, ale advakat prynca acharaktaryzavaŭ jaje jak «istotnuju». Miedyjahrupa taksama paprasiła prabačeńnia za ŭmiašańnie ŭ pryvatnaje žyćcio maci prynca Hary — łedzi Dyjany. Pazoŭ achoplivaŭ pieryjad z 1996 pa 2011 hady.

ŚMI adznačajuć, što pryncu Hary ŭdałosia dasiahnuć važnaj pieramohi — vydaviectvy vielmi redka nastolki adnaznačna pryznajuć svaju vinu ŭ padobnych spravach.

Raniej miedyjahrupa Miordaka zaklučyła dasudovyja pahadnieńni z bolš čym 1300 ludźmi, jakija abvinavačvali jaje va ŭzłomach telefonaŭ. Hety skandał u 2011 hodzie pryvioŭ da zakryćcia haziety News of the World. Sprava z pryncam Harry zastavałasia apošniaj i amal dajšła da sudovych słuchańniaŭ.

Prync Harry paśla šmatlikich sprečak unutry karaleŭskaj siamji niekalki hadoŭ tamu spyniŭ vykanańnie aficyjnych abaviazkaŭ. Bolšuju častku času jon žyvie ŭ ZŠA. Pry hetym jon zachavaŭ svoj tytuł i prava spadčyńnika trona, kali nadydzie jaho čarha.

Kamientary

Ułady chočuć aŭtamatyčna śpisvać z kartki štrafy za PDR4

Ułady chočuć aŭtamatyčna śpisvać z kartki štrafy za PDR

Usie naviny →
Usie naviny

Na pachavańni snajpierki Maryi Zajcavaj u Kijevie byŭ zaŭvažany niezvyčajny bieł-čyrvona-bieły ściah3

Siarod źviestak, jakija vyciekli z bota «Biełaruskaha hajuna», byli ŭnikalnyja ID karystalnikaŭ telehram15

Zialenski: Minabarony Ukrainy raspracoŭvaje śpieckantrakt, kab pryciahnuć u vojska 18-24-hadovych2

U Biełarusi zastalisia tolki šeść pryvatnych damoŭ dla sastarełych

Adamu Maldzisu za try hady na mahile dahetul nie pastavili pomnika14

Biazdomny-erudyt, jaki źnik u Homieli, znajšoŭsia ŭ reanimacyi. Jon viadomy pa błohu papularnaha tyktokiera5

CHAMAS pieradaŭ čarhovych troch zakładnikaŭ Izrailu4

Vaśmikłaśnik vypiŭ na ŭroku mocnaje snatvornaje «dla darosłych» i zasnuŭ2

Jak buduć vyhladać novyja stancyi mietro na ŭčastku ad «Piarespy» da stancyi «Park Družby narodaŭ» FOTA8

bolš čytanych navin
bolš łajkanych navin

Ułady chočuć aŭtamatyčna śpisvać z kartki štrafy za PDR4

Ułady chočuć aŭtamatyčna śpisvać z kartki štrafy za PDR

Hałoŭnaje
Usie naviny →

Zaŭvaha:

 

 

 

 

Zakryć Paviedamić