Pad Bremienam pierakuliłasia fura ź biełarusam za rulom. Na darohu vybieh aleń
U niamieckaj ziamli Nižniaja Saksonija hruzavik pad kiravańniem biełarusa źjechaŭ z trasy i pierakuliŭsia na bok. Pra heta paviedamlaje «Biełaruś i śviet» sa spasyłkaj na vyratavalnuju słužbu horada Choja.

Incydent adbyŭsia ŭ aŭtorak, 14 studzienia, kala 17:52 viečara. Fura, zahružanaja 24 tonami papiery, nakiroŭvałasia z Ejndchoviena na papiarovuju fabryku ŭ Choi. Na šašy K 136 niezadoŭha da pavarotu naleva, hruzavik pierakuliŭsia. Kiroŭca rastłumačyŭ, što jamu daviałosia abjazdžać alenia, jaki vybieh na darohu.
Mužčyna zmoh samastojna vybracca z kabiny. Jon nie paciarpieŭ. Taksama, na ščaście, nie byli paškodžany dva paliŭnyja baki transpartnaha srodku, tamu paliva nie vyliłosia na ziamlu. Adnak ciahač i paŭpryčep atrymali značnyja paškodžańni.
Kamientary