Hramadstva1515

Čamu Karpienka nie moža pasadzić Bondaravu? Razvažaje Volha Łojka

«Ja nie ździŭlusia, kali jana vyjavicca štatnym supracoŭnikam FSB. Prosta ŭ jakaści trolinhu biełaruskich uładaŭ».

Volha Bondarava. Fota: grodnonews.by

U pieršym vypusku novaha niadzielnaha analityčnaha TOKu ekanamičnaja ahladalnica i hałoŭnaja redaktarka «Płana B» Volha Łojka vykazała svoj pohlad na toje, čamu Bondaravu nie mohuć pryciahnuć da adkaznaści.

«Mianie vielmi zamiłoŭvaje, što jany (ułady — NN) tak i nie mohuć ź joj zrabić ničoha. Jany jaje tolki zvolnili z haziety «Kamunist Biełarusi». Ja dumaju, mahčyma, jana sama pajšła, tamu što jana ŭsio ž taki prafiesijnaja darmajedka», — zaŭvažaje Volha Łojka adnosna danosčycy Volhi Bondaravaj. 

Zmahańnie ŭładaŭ z Bondaravaj Łojka nazyvaje «zabaŭnaj bitvaj tytanaŭ» i iranizuje:

«Vielmi zabaŭnyja pahrozy ŭsich prapahandystaŭ, što voś zaraz, vielmi chutka ź joj adbudziecca niešta vielmi niadobraje, i vy ŭsie daviedajeciesia, što byvaje z tym, chto publična i nachabna raspalvaje. A ź joj nie zdarajecca litaralna ničoha. Jana praciahvaje».

Takaja situacyja, na pohlad ahladalnicy, tolki ŭmacoŭvaje raspaŭsiudžanuju viersiju ab tym, što Bondarava moža być supracoŭnikam FSB:

«Viersii pra toje, što jana štatny supracoŭnik FSB, jany, zrazumieła, z adnaho boku, zabaŭnyja. A z druhoha boku ja nie ździŭlusia, kali niešta padobnaje ŭ hetym jość. Nu prosta ŭ jakaści trolinhu biełaruskich uładaŭ: «Nu voś i što ty zrobiš, kali ŭsio toje ž raspalvańnie budzie za ruskuju movu? Nu voś i pasprabujcie što-niebudź ź joj zrabić».

«I Karpienka, i prapahandysty dziaržaŭnych haziet usie ciapier ustupilisia suprać jaje ŭ maštabnyja bajavyja dziejańni. I ničoha», — zaŭvažaje Łojka i dadaje, što na jaje pohlad, ułady nie advažacca pasadzić danosčycu.

Na pytańnie, čamu nie advažacca, kali prarasijskuju aktyvistku Mirsalimavu pasadzili, Volha Łojka z humaram adkazała:

«Nie viedaju. Mahčyma, jana pa pahonach vyšej».

«Nie atrymlivajecca. Niekalki pramych pahroz było ahučana. Karpienka — nie apošni čynoŭnik u Biełarusi. Kali jon tabie naŭprost pahražaje, ja b, znachodziačysia ŭ Biełarusi, užo, napeŭna, spužałasia. Dy nie napeŭna. My ž razumiejem, kali tabie naŭprost havorać: «Pasłuchaj, tvaje voś hetyja vykazvańni — raspalvańnie. [Artykuł] 130 častka treciaja (heta taksama moj artykuł). Ale Bondaravaj za heta ničoha niama», — zaŭvažaje byłaja palitźniavolenaja.

Hladzicie całkam:

Kamientary15

  • Vasilij
    20.01.2025
    Mnie kažietsia połoviny statiej možno było by i nie pisať, potomu čto pišietie ob očievidnych vieŝach....
  • Acab
    20.01.2025
    Nie ździŭlusia, kali vyśvietlicca, što spadarynia Bondarycha heta Dyndymena.
  • Bondarycha Padstatryccatnica
    20.01.2025
    Dziakuj za pijar, sibry!

Stała viadoma imia čałavieka, jakoha siłaviki nazvali pieršym zatrymanym pa spravie «Hajuna»40

Stała viadoma imia čałavieka, jakoha siłaviki nazvali pieršym zatrymanym pa spravie «Hajuna»

Usie naviny →
Usie naviny

Dva homielskija kur‘jery zabrali 100 tysiač u 87-hadovaj žančyny, kinuli kuratara i pačali sałodkaje žyćcio5

U 35 hadoŭ pamior padpałkoŭnik, jaki zajmaŭsia asabliva važnymi spravami ŭ centralnym aparacie MUS7

Mus moka. Jak nasić samy modny koler hetaha hoda?12

Administracyja Trampa skaračaje štat USAID u 30 razoŭ8

Na miažu viarnułasia čarha z aŭtamabilaŭ1

Milicyja raskazała, što rabić pry šantažy intymnymi fota ŭ Siecivie

Pošta nie pierasyłaje hrošy niekatorym palitviaźniam

Tramp uvioŭ taryfy dla Kitaja i choča abkłaści imi Jeŭrasajuz. Ci zakranie Biełaruś?4

U 2024 hodzie ŭ Polščy zatrymali bolš za 900 biełarusaŭ, jakija nielehalna pracavali ŭ krainie3

bolš čytanych navin
bolš łajkanych navin

Stała viadoma imia čałavieka, jakoha siłaviki nazvali pieršym zatrymanym pa spravie «Hajuna»40

Stała viadoma imia čałavieka, jakoha siłaviki nazvali pieršym zatrymanym pa spravie «Hajuna»

Hałoŭnaje
Usie naviny →

Zaŭvaha:

 

 

 

 

Zakryć Paviedamić