Hramadstva88

Pablizu biełaruska-litoŭskaj miažy źjavilisia vajskovyja akopy i fartyfikacyi. Spadarožnikavyja FOTY

La Hrodna na ŭskrajku Hožskaha vajskovaha palihona źjavilisia tranšei dla piachoty i techniki. Jany ŭsiaho za 6 kiłamietraŭ ad biełaruska-litoŭskaj miažy i pamiežnaha pierachodu «Pryvałka» — «Rajhorad». Hetyja fartyfikacyi mohuć być častkaj «vuzła supracivu», jaki hod tamu abiacała pabudavać Ministerstva abarony. Svaboda atrymała spadarožnikavyja zdymki i praanalizavała ich z vajskovymi ekśpiertami.

Pra toje, što na miežach Biełarusi pabudujuć niekalki ŭmacavanych «vuzłoŭ supracivu», Alaksandr Łukašenka zajaviŭ 6 kastryčnika 2023 hoda. Tady vajskoŭcy prademanstravali padobny abjekt u Kobrynskim rajonie kala miažy z Polščaj. Da hetaha ŭłady stvaryli taki ž u Homielskim rajonie. 

Novyja fartyfikacyi kala Hrodna dobra vidać na spadarožnikavym zdymku, zroblenym kampanijaj Planet Labs 14 śniežnia 2024 hoda kala paŭnočna-zachodniaj častki palihonu. Ich tut niekalki.

Na ŭschodnim baku darohi, što viadzie na pamiežny punkt «Pryvałka», naprykancy listapada 2024 hodu vajskoŭcy vykapali vializnuju tranšeju daŭžynioj 340 metraŭ i šyrynioj ad 5 da 7 mietraŭ. Takich pamieraŭ dastatkova, kab pa akopie svabodna prajechaŭ tank. Nadzieł ziamli, na jakim vykapanaja tranšeja, zhodna z danymi ziamielnaha kadastru, nie adnosicca da terytoryi palihona.

Na zachad ad darohi na pamiežny punkt vykapanyja akopy dla piachoty daŭžynioju amal 200 mietraŭ. Tut ža ŭ niekatorych miescach vidać adzinkavyja ŭmacavańni i jaminy.

Spadarožnikavy zdymak akopaŭ na ŭschod ad darohi na pamiežny pierachod «Pryvałka» — «Rajhorad»
Spadarožnikavy zdymak akopaŭ na zachad ad darohi na pamiežny pierachod «Pryvałka» — «Rajhorad»

Heta terytoryja maje pryrodaachoŭny status i naležyć respublikanskamu łandšaftnamu zakaźniku «Horadzienskaja pušča». Jak paznačana na sajcie Ministerstva pryrodnych resursaŭ i achovy navakolnaha asiarodździa Biełarusi, heta «adno z samych ekałahična čystych miescaŭ u Biełarusi».

Svaboda pierasłała vyjavy akopaŭ niekalkim vajskovym ekśpiertam. Jany syšlisia na dumcy, što akopy mohuć być vykarystanyja dla abarony ad mahčymaj ataki z boku Litvy.

Pra heta kaža Konrad Muzyka, abaronny analityk, dyrektar kampanii Rochan Consulting, jakaja zajmajecca daśledavańniem i analizam kanfliktaŭ i biaśpieki na postsavieckaj prastory. Jon zaznačyŭ, što ŭsia sistema tranšejaŭ i akopaŭ, vykapanych u hetym miescy, moža być častkaj abarončaj sistemy i vykarystoŭvacca, siarod inšaha, biełaruskimi vajskoŭcami dla trenirovak.

«Na zdymkach my bačym dva vidy tranšejaŭ abapał darohi, jakaja viadzie da miažy ź Litvoj. Jany nakiravanyja ŭ bok Litvy. I, ščyra kažučy, na dadzienym etapie ŭsio heta pakul vyhladaje niezavieršanym», — miarkuje Konrad Muzyka.

Ekśpierty nie zmahli vyznačyć dakładnaje pryznačeńnie vialikaj šyrokaj tranšei z uschodniaha boku darohi, bo nie bačać u joj «asablivaha vajskovaha sensu» z pryčyny niezvyčajnaj formy i struktury.

«Ja takich nie bačyŭ nikoli. Čysta tearetyčna ich možna vykarystać dla abarony. Jak supraćtankavy roŭ, naprykład», — adznačyŭ vajskovy ekśpiert Michaił Žyrachaŭ, jaki analizuje techničnyja srodki, što vykarystoŭvajucca na vajnie va Ukrainie.

Budoŭla fartyfikacyj moža jašče być nie zavieršanaja. Tuju ž tranšeju mohuć nakryć dacham ci pastavić tudy čyhunačny vahon, jak na kobrynskim «vuźle supracivu» — stvaryć tak zvany «bunkier».

Spadarožnikavy zdymak, na jakim bačnyja akopy paabapał darohi, što viadzie na biełaruska-litoŭski pamiežny pierachod «Pryvałka» — «Rajhorad». Sprava ŭnizie — paŭnočna-zachodniaja častka Hožskaha palihona (aranžavy koler). Źleva — terytoryja zakaźniku «Haradzienskaja pušča» (šery koler).

«My bačym, što za akopami na zachodnim baku darohi jość les. Heta značyć, što pazicyja zroblenaja zhodna z vajskovymi praviłami abarony», — kamientuje Konrad Muzyka. «A voś za tranšejaj na ŭschodnim baku darohi vielmi biednaja lasnaja raślinnaść. Heta robić pazicyju składanaj dla abarony. Kali b u tranšei byli biełaruskija vojski i im treba było b adstupić, to ŭ ich było b vielmi mała ŭmacavańniaŭ, naturalnaha asiarodździa dla ŭkryćcia».

Ekśpiert dadaje: klučavy momant tut toj, što hetaja abarončaja struktura stvoranaja kala biełaruskaha palihonu. Pakul padobnych fartyfikacyj nidzie na miažy ź Litvoju nie sustrakałasia. Tamu, na dumku Konrada Muzyki, situacyja patrabuje nazirańnia. Kali kolkaść fartyfikacyj nie budzie pavialičvacca, to heta budzie śviedčyć «bolš pra vučebny charaktar takich umacavańniaŭ».

Konrad Muzyka ličyć, što pryčynaŭ pabudovy takich fartyfikacyj na miažy ź Litvoju moža być niekalki.

«Pieršaja pryčyna ŭ tym, što biełaruskaje vajskovaje kamandavańnie zajaviła, što budzie budavać abarončyja zbudavańni pablizu miažy Polščy i Litvy. To-bok heta suadnosicca ź ich płanami. Druhaja pryčyna — biełaruskija vajskoŭcy vielmi ŭvažliva sočać za tym, što adbyvajecca va Ukrainie, jak tam viadziecca vajna. I my bačym, što va Ukrainie hetaja vajna budujecca vakoł akopaŭ, abarončych pazicyj. Dla vajskoŭcaŭ vielmi važna ŭmieć zachoplivać abarončyja pazicyi, akopy, umacavanyja rajony. Tamu pabudova hetych akopaŭ — heta adzin z krokaŭ, jaki biełaruskija vajskoŭcy robiać, kab padrychtavać svaje ŭzbrojenyja siły da budučaj vajny, da budučych bajavych dziejańniaŭ», — ličyć Konrad Muzyka.

Kamientary8

  • Abviaržeńnie chłuśni
    17.01.2025
    A što takoha, chłuśnia. Nijakaj "padtrymki ŭ 80%" ruskaha miru ŭ Biełarusi niama. Niama nijakaj z-simvoliki, niama kałaradskich stužak, navat armija admoviłasia ŭdzielničać u rasiejskaj vajnie i zachodzić na terytoryju Ukrainy. Na dni Rasiei i ruskaha jazykie ŭ centry Minsku nichto nie prychodzić, na što skardziacca siabroŭki Bondaravaj - roznyja Mirsalimavy. Jakija sprabujuć prasunuć "ruski mir", ale nie nadta ŭ ich atrymlivajecca.
    Na paŭmiljonnych pratestach u Minsku suprać režymu Łukašenki byli bieł-čyrvona-biełyja ściahi i trochi čyrvona-zialonych (spačatku), jakija potym taksama pamianiali na bieł-čyrvona-biełyja.
    Rasiejskich ściahoŭ nie było.
  • Spadar
    17.01.2025
    A što takoha, Nasamreč zaraz tak i adbyvajecca....
  • Symon
    17.01.2025
    Kali łukašysty sprabujuć zapazyčyć dośvied ukrainskaha supracivu rasiejskaj ahresii - jany uparta "nie zaŭvažajuć" pryncypovaha adroźnieńnia. Ukraincy baroniać svaju svabodu i niezaležnaść, uśviedamlajučy, što Rasieja imkniecca źniščyć ukrainskuju dziaržaŭnaść i identyčnaść. Biełarusy ž vydatna razumiejuć, što anijakaj pahrozy z boku jeŭrapiejskich susiedziaŭ albo Ŭkrainy biełaruskamu suvierenitetu nie isnuje - tolki z boku Rasiei. Baranić koštam svajho žyćcia uładu ŭzurpatara (jakaja nasamreč jość uładaj Pucina, administravać jakuju ŭ Biełarusi Kreml pryznačyŭ Łukašenku) hatovyja tolki nievialikaja kolkaść zusim adbitych na hałavu i dobra finansujemych režymam mankurtaŭ, zapeckanych u kryvi volnych biełarusaŭ.

Biełyja dy čyrvonyja kvietki i mora śloz. Jak u Vilni sustrakali Palinu Šarendu-Panasiuk29

Biełyja dy čyrvonyja kvietki i mora śloz. Jak u Vilni sustrakali Palinu Šarendu-Panasiuk

Usie naviny →
Usie naviny

Stryžak nazvaŭ, kolki zvarotaŭ pryjšło ŭ BYSOL praz uzłom «Biełaruskaha Hajuna»2

Na trasie Minsk — Brest ciahnik źbiŭ mikraaŭtobus

Cichanoŭskaja: «Apošni raz ja čuła hołas muža čatyry hady tamu». Siarhiej Cichanoŭski znachodzicca ŭ režymie inkamunikada 700 dzion13

Praź śpiešku CRU źliło imiony svaich maładych supracoŭnikaŭ, na jakich palujuć kitajskija śpiecsłužby7

Biełaruskaja palityčnaja emihrantka lacieła ŭ Hruziju na samalocie, jaki ekstranna pasadzili ŭ Iranie9

Biełarusku biez tłumačeńnia pryčyn źniali z rejsa ŭ minskim aeraporcie i adpravili ŭ RUUS6

Sprava Paŭła Durava dojdzie da suda nie raniej čym praz hod

45-hadovuju minčanku asudzili pa troch palityčnych artykułach. Voś u čym jaje vinavacili1

Samy sapraŭdny kot pracuje ŭ biełaruskim muziei FOTAFAKT1

bolš čytanych navin
bolš łajkanych navin

Biełyja dy čyrvonyja kvietki i mora śloz. Jak u Vilni sustrakali Palinu Šarendu-Panasiuk29

Biełyja dy čyrvonyja kvietki i mora śloz. Jak u Vilni sustrakali Palinu Šarendu-Panasiuk

Hałoŭnaje
Usie naviny →

Zaŭvaha:

 

 

 

 

Zakryć Paviedamić