Śviet66

U Bielhii miascovych žycharoŭ zaklikali nie vykidać jełki, a… źjeści ich. Prapanavali navat stravy

U Bielhii startavała i chutka zaviaršyłasia sumnieŭnaja kampanija: tam čynoŭniki paraili paśla śviataŭ źjeści jełku. 

U ŚMI i sacyjalnych sietkach raspaŭsiudzilisia rekamiendacyi administracyi bielhijskaha horada Hienta, jakaja zaklikaje ludziej pierapracoŭvać svaje kaladnyja jołki roznymi sposabami, u tym liku ŭžyvajučy ŭ ježu. Haradskaja administracyja prapanavała bielhijcam rabić masła ci varyć sup ź ihlicy, bahataj vitaminami, mikraelemientami, efirnymi alejami, piša DW.

U svajoj rekamiendacyi Hient spasyłaŭsia na bahaty skandynaŭski dośvied. «U Skandynavii heta ŭžo daŭno robicca: vy zryvajecie ihołki z halinak, apuskajecie ich nienadoŭha ŭ kipień, pracedžvajecie praź sita i sušycie na čystaj tkaninie, — havorycca ŭ paviedamleńni haradskoj rady. — Jak tolki ihlica vysachnie, ź jaje možna budzie pryhatavać smačnaje jałovaje masła dla chleba ci tostaŭ».

Heta nie ŭsie recepty vykarystańnia jałovaj ihlicy, jakija prapanavali čynoŭniki, ale 7 studzienia Fiederalnaje ŭpraŭleńnie pa kantroli za praduktami charčavańnia (FASNK) u Bielhii apublikavała papiaredžańnie ab škodzie dla zdaroŭja ad užyvańnia ihlicy. Bo bolšaść dreŭ apracoŭvajecca piestycydami ŭ metach abarony ad nasiakomych. Akramia taho, na drevach mohuć być inšyja chimikaty.

«Spažyŭcam nialohka daviedacca, ci byli kaladnyja jołki apracavany antypirenami, a niaviedańnie hetaha moža mieć surjoznyja, navat fatalnyja nastupstvy», — havorycca ŭ zajavie viedamstva. 

Što ž zrabiŭ horad Hient? Administracyja vydaliła post ŭ sacyjalnych sietkach, jaki raspaviadaje ab patencyjale užyvańnia jełki ŭ ježu. A ŭ publikacyi «Źješ svaju jołku» na svaim sajcie Hient źmianiŭ zahałovak na «Skandynavy jaduć svaje jołki».

Kamientary6

  • žujučy płastykavuju jełku
    12.01.2025
    naturalnaja jełka navat ź piestycydami siarod śmiećcia nie samaje vialikaje zło
  • Nemo
    12.01.2025
    Dyk značycca, pić atrutu pad nazvaj małako - cymies, a spažyvać jadobnaje, bahataje ŭ vitaminy, iholle - sumnieŭnaja sprava?
  • Josik
    12.01.2025
    Nijak u redaktara jołka kaladnaja ci navahodniaja nie choča stać jalinkaj. Zdajecca, usio ž jełka.

Hod Syrskaha. Jak vajuje ŭkrainskaja armija z hetym hałoŭnakamandujučym2

Hod Syrskaha. Jak vajuje ŭkrainskaja armija z hetym hałoŭnakamandujučym

Usie naviny →
Usie naviny

Što rabić, kali vaš telefon upaŭ u šachtu lifta?5

Biełaruskija astravy, pra jakija vy mahli nie viedać2

Zialenski raskazaŭ, jak bačyć «ździełku» z Trampam pa karysnych vykapniach9

U Pieciarburhu muzyka vykinuŭsia z 10-ha paviercha, kali da jaho pryjšli ź pieratrusam za «finansavańnie USU»7

Žurnalista Ihara Iljaša abvinavačvajuć pa dvuch kryminalnych artykułach1

U Biełarusi ŭsio ž taki zabaroniać Chahi Vahi. Ministr adukacyi ličyć, što hetaja cacka pravakuje hvałt11

Tramp płanuje sustrecca ź Zialenskim na nastupnym tydni12

U jaki dzień u 2020-m mahli zdarycca pieramieny? Polski dypłamat vydaŭ knihu ab pracy ŭ Biełarusi i daŭ adkaz na heta pytańnie32

Čamu vysoki cisk nie dazvalaje rasijskim Supierdžetam latać? Choć dla Boinha heta nie prablema23

bolš čytanych navin
bolš łajkanych navin

Hod Syrskaha. Jak vajuje ŭkrainskaja armija z hetym hałoŭnakamandujučym2

Hod Syrskaha. Jak vajuje ŭkrainskaja armija z hetym hałoŭnakamandujučym

Hałoŭnaje
Usie naviny →

Zaŭvaha:

 

 

 

 

Zakryć Paviedamić