Ministerstva ekanamičnaha raźvićcia Rasii zabaraniła rasijskim turapierataram pradavać arhanizavanyja tury ŭ Abchaziju, paviedamiŭ vydańniu «Hazieta.ru» vice-prezident Asacyjacyi turapierataraŭ Rasii Artur Muradzian. Pryčynaj takoha rašeńnia stali pratesty abchazskaha biznesu suprać inviestycyjnaha pahadnieńnia z Rasijaj.
«Pakul abchazy supraciŭlajucca śćviardžeńniu tych normaŭ, jakija pryviali da adstaŭki ich prezidenta, z abchazskim biznesam idzie vychavaŭčaja praca — pazbaŭleńnie turpatoku z Rasii, jaki byŭ asnoŭnym artykułam dachodu respubliki», — rastłumačyŭ Muradzian.
Na jahonuju dumku, zabarona na prodaž turaŭ praciahniecca minimum da kanca 2024 hoda. Adnak turysty ŭsio ž mohuć samastojna naviedvać Abchaziju, nabyvajučy kvitki i branirujučy žyllo.
Muradzian taksama paviedamiŭ, što paśla vybaraŭ prezidenta Abchazii i stabilizacyi palityčnaha stanovišča zabarona moža być admienienaja.
U siaredzinie listapada dakumient, jaki dazvoliŭ by rasijskim kampanijam zapuskać u pracu inviestycyjnyja prajekty na terytoryi krainy, vyklikaŭ pratesty ŭ Suchumi. 15 listapada apazicyja zachapiła budynki parłamienta i administracyi prezidenta — a ŭłady admianili hałasavańnie pa ratyfikacyi pahadnieńnia.
19 listapada praz kryzis prezident niepryznanaj respubliki Asłan Bžanija pajšoŭ u adstaŭku. Paśla taho Rasija pačała šerah krokaŭ ekanamičnaha cisku, jakija majuć na mecie pakazać całkam zaležnaj ad jaje terytoryi jaje miesca.
Jak ciapier vyhladaje palitźniavoleny Juraś Ziankovič. Jon nie ŭ robie, a ŭ cyvilnym kaściumie12
Kamientary