Drony atakavali budynak druhoha pałka MUS pa Čačni.
Telehram-kanał VČK-OHPU apublikavaŭ kadry adnaho z vybuchaŭ, a taksama fatahrafii nastupstvaŭ udaru.
Drony atakavali budynak druhoha pałka MUS pa Čačni. Na adnoj z fatahrafij bačnaja dzirka ŭ dachu, ź jakoj padymajecca połymia. Paviedamlajecca, što da miesca vybuchu źjechalisia śpiecyjalnyja słužby.
Kiraŭnik Čačni Ramzan Kadyraŭ paviedamiŭ, što aparat źbili nad kazarmami śpiecpałka palicyi imia Achmata Kadyrava. Pavodle jaho słoŭ, čaćviora bajcoŭ varty atrymali lohkija ranieńni, ale «surjozna nichto nie paciarpieŭ».
«BPŁA, jaki zdetanavaŭ u pavietry, paškodziŭ dach i vybiŭ škło. Upaŭšyja frahmienty vyklikali nievialiki pažar, jaki chutka patušyli. Jakich-niebudź surjoznych paškodžańniaŭ budynak nie atrymaŭ», — napisaŭ Kadyraŭ u telehramie.
Raniej Hrozny dvojčy padviarhaŭsia napadam bieśpiłotnikaŭ, nahadvaje Radyjo Svaboda.
Na minułym tydni dron trapiŭ u budynak bazy druhoha pałka patrulna-pastavoj słužby palicyi asablivaha pryznačeńnia. Kiraŭnik Čačni Ramzan Kadyraŭ zajaviŭ ab najaŭnaści paciarpiełych, nie nazvaŭšy ich kolkaść. Da hetaha, u kancy kastryčnika, u vyniku ataki BPŁA zahareŭsia dach adnaho z budynkaŭ tak zvanaha «Univiersiteta śpiecnaza» ŭ Hudermiesie. Ab paciarpiełych nie paviedamlałasia.
Prajekciroŭščyki pakazali, jak budzie vyhladać płošča Banhałor u Minsku. Im skazali padumać lepš8
Prajekciroŭščyki pakazali, jak budzie vyhladać płošča Banhałor u Minsku. Im skazali padumać lepš
«Na praciahu 30 hadoŭ niezaležnaści biełaruskamoŭnyja biuleteni zadavalniali ŭsich». Kamunisty abvinavacili Bondaravu ŭ raspalvańni varožaści na moŭnaj hlebie1616
Kamientary