Da zimy aŭtaŭładalniki pieraabuvajucca ŭ prydatnuju humu, adnak starym šynam nie zaŭsiody znachodziać darečnaje prymianieńnie. Asabliva kreatyŭnyja haradžanie vyrazajuć ź ich lebiedziaŭ i staviać u dvarach. Ale kamunalniki suprać.
Vykarystańnie šyn u jakaści elemientaŭ dekoru čaściakom vyhladaje nieachajna i psuje ahulny źniešni vyhlad dvara abo kłumby. Akramia taho, jany mohuć stać pryčynaj traŭmavańnia dziaciej i chatnich žyvioł, pišuć «Minsk-Naviny».
— Zhodna z pastanovaj urada žychary šmatkvaternych damoŭ abaviazanyja trymać u čyścini nie tolki žyłyja pamiaškańni i miescy ahulnaha karystańnia, ale taksama terytoryju la doma.
Tamu ŭstanoŭka rečaŭ z płastykavych butelek, šyn abo starych cacak niedapuščalnaja. Kvietniki pryznačanyja ŭ pieršuju čarhu dla vysadki dekaratyŭnych raślin i kvietak. Pry hetym usio, što vyšej za 1,5 m, padlahaje ŭzhadnieńniu z ŽES i ŽEU, — raspavioŭ načalnik adździeła pa dobraŭparadkavańni i sanitarnym utrymańni žyllovaha fondu ŽKH Savieckaha rajona Minska Kirył Vasilenka.
Niemałavažnym źjaŭlajecca i toje, što staryja šyny vyłučajuć taksičnyja chimičnyja rečyvy, uklučajučy bienzoł, styroł i fienoł, jakija mohuć pranikać u hlebu i vadu.
Taksama šyny nie raskładajucca naturalnym šlacham i mohuć nazapašvacca ŭ navakolnym asiarodździ. Tamu łysuju humu paśla zamieny rekamiendujecca pakinuć na STA. Kali ž na šynamantažy nie praduhledžany taki servis dla aŭtaŭładalnikaŭ, to staryja šyny varta zdać u punkt pryjomu druhasnaj syraviny.
Što tyčycca ŭpryhožvańnia dvaroŭ, lepš addać pieravahu kłasicy — raślinam. Dla afarmleńnia kvietkavych kampazicyj isnujuć bolš ekałahičnyja, praktyčnyja i vizualna pryvabnyja alternatyvy, rajać kamunalniki.
Łukašenka ŭpieršyniu źjaviŭsia na publicy razam z mamaj Koli26
Kamientary