Ministr kultury Litvy: Zabaraniać rasijskuju movu my nie budziem. Ale ja suprać uvozu kultury sučasnaj Rasii
Šarunas Birucis abiacaje znajści sposab nie puskać u Litvu sučasnuju rasijskuju kulturu.
Novy ministr kultury Litvy Šarunas Birucis zajaviŭ, što vystupaje kateharyčna suprać uvozu sučasnaj rasijskaj kultury ŭ krainu.
Jon paabiacaŭ znajści sposab zabaranić taki ŭvoz, piša LRT.
«Ja vielmi vyrazna zajaŭlaju: ja suprać pryŭniasieńnia siudy kultury ciapierašniaj rasijskaj dziaržavy, asabliva ciapier. Jak my možam heta zabaranić? Dumaju, razam my znojdziem sposab, čaho dahetul nie było zroblena», — adznačyŭ Birucis.
Birucis škaduje, što papiaredni ŭrad nie zrabiŭ zachadaŭ dla abmiežavańnia hastrolaŭ rasijskich artystaŭ, čyja dziejnaść supiarečyć nacyjanalnym intaresam.
«Što nie zrabiŭ raniejšy ŭrad, dyk heta nie stvaryŭ kamisiju, jakaja mahła b aceńvać artystaŭ z Rasii, jakija płanujuć vystupy ŭ Litvie», — adznačyŭ jon.
Paśla anieksii Kryma Rasijaj u 2014 hodzie ŭ Litvie niepažadanymi stali dziejačy kultury, jakija padtrymali dziejańni Kramla ci vystupali na akupavanych terytoryjach Ukrainy. Siarod ich — rasijskija artysty Filip Kirkoraŭ, Nataša Karalova i inšyja. Adnak, pa słovach Birucisa, u krainu ŭsio ž praciahvajuć pryjazdžać vykanaŭcy, jakija padtrymlivajuć rasijskuju ahresiju.
Pry hetym ministr padkreśliŭ, što havorka nie idzie pra zabaronu ruskaj movy, jakaja źjaŭlajecca rodnaj dla častki hramadzian Litvy i mnohich ukrainskich uciekačoŭ.
«My, viadoma, nie budziem zabaraniać ruskuju movu ci relihiju. Heta nie naš šlach», — zajaviŭ Birucis.
«My z vami nie pa čutkach viedajem, što takoje kultura ŭ našaj krainie». Što havaryłasia na pradstaŭleńni novaha ministra kultury
U minskich handlovych centrach i kaviarniach ciapier nie buduć uklučać suśvietnyja navahodnija chity. Zatoje dajuć zarabić praŭładnym artystam
Śviatkavać treci padzieł Rečy Paspalitaj, dapłačvać Hihinu i adsunuć Marzaluka: jak Rasija choča pierapisać historyju Biełarusi
Chto taja prafsajuznaja aktyvistka z MAZa, jakaja paprasiła Łukašenku razabracca ŭ jutubie z «biehłymi»?18
Kamientary