Čatyrochpakajovuju kvateru, u jakoj žyŭ biełaruski kłasik Kandrat Krapiva, vystavili na prodaž. Mienavita tut jon napisaŭ dźvie apošnija pjesy. I z usich adrasoŭ, jakija źmianiŭ piśmieńnik za žyćcio, na hetym domie visić miemaryjalnaja doška ŭ jaho honar.
Heta dzieviacipaviarchovaja stalinka kala stancyi mietro «Akademija Navuk». Na pieršym paviersie tam ciapier krama «Kravt» i sałon śviacileń. A ź siaredziny 60-ch na trecim paviersie ŭ hetym domie žyŭ biełaruski piśmieńnik Kandrat Krapiva razam ź siamjoj.
Choć hety adras byŭ nie adzinym za ŭsio žyćcio kłasika, miemaryjalnaja doška visić mienavita na hetym domie. Jašče Kandrat Atrachovič (heta sapraŭdnaje proźvišča Krapivy) paśpieŭ pažyć na vulicy Hubiernatarskaj (siońnia heta Lenina), na Śviardłova kala stadyjona «Dynama» (ale hety dom byŭ razburany ŭ pieršyja dni vajny), u Staražoŭcy i na praśpiekcie Niezaležnaści, 12.
U kvatery Kandrata Krapivy čatyry pakoi. Jaje ahulnaja płošča składaje 107 kvadrataŭ, žyłyja ź ich 80. Pryciahvaje ŭvahu mietraž haścinaj — bolš za 35 kvadrataŭ. Tut dva šyrokija akny, a na padłozie lažyć parkiet.
U jašče adnym pakoi taksama dva akny. U trecim — panaramnaje škleńnie. U kvatery dźvie łodžyi ź vidam na dvor.
Sanvuzieł u kvatery paasobny. Płošča kuchni — 8 kvadrataŭ.
Kaštuje takaja kvatera z historyjaj 155 tysiač dalaraŭ. Mietr vychodzić 1 443 dalary.
-
U Minsku chatu pradali za 620 tysiač dalaraŭ. Heta samaja darahaja ŭhoda śniežnia
-
Viadomaja biełaruskaja biznesvumen — i žonka praŭładnaha błohiera-miljońnika — šukaje arandataraŭ dla svajho katedžu. Košt vaŭ!
-
Pad Navahrudkam pradajuć staražytnuju siadzibu XVIII stahodździa. Voś za jakuju sumu možna stać mahnatam
Łukašenka ŭpieršyniu źjaviŭsia na publicy razam z mamaj Koli12
Kamientary