U Litvie aryštavali 82-hadovaha byłoha ssylnaha za špijanaž na karyść Rasii
Sud u Litvie aryštavaŭ 82-hadovaha člena chryścijanska-demakratyčnaj partyi pavodle abvinavačvańnia ŭ špijanažy na karyść Rasii, paviedamiŭ pradstaŭnik Hienieralnaj prakuratury Arturas Urbialis.
«Jon maje padvojnaje hramadzianstva — Litvy i Rasii, źjaŭlajecca členam Partyi chryścijanskich demakrataŭ Litvy i Sajuza litoŭskich ssylnych i palitviaźniaŭ», — cytuje Urbialisa LRT.
Pa słovach Urbialisa, fihuranta padazrajuć u tym, što jon z 2018 hoda źbiraŭ infarmacyju dla Hałoŭnaha raźviedvalnaha ŭpraŭleńnia Rasii. Jon pieradavaŭ infarmacyju pra litoŭskija palityčnyja partyi, abaranazdolnaść krainy, a taksama pra ludziej, departavanych u Rasiju padčas savieckaj akupacyi. Sam fihurant byŭ taksama departavany ŭ Rasiju z baćkami ŭ 1940-ja hady.
Urbalis rastłumačyŭ, što zatrymany i rasijskija ahienty vykarystoŭvali śpiecyjalnyja radyjopryłady dla pieradačy infarmacyi praz zašyfravanyja radyjosihnały.
«Hetyja źviestki nie ŭtrymlivali dziaržaŭnaj tajamnicy, ale byli važnyja i ŭjaŭlali cikavaść dla Rasii», — rastłumačyŭ namieśnik kiraŭnika litoŭskaj raźviedki Remihijus Brydzikis.
Pavodle źviestak dźviuch infarmavanych krynic BNS, havorka idzie pra 82-hadovaha Eduarda Manava. Pa ich słovach, jon viarnuŭsia ŭ Litvu ŭ 1997 hodzie — praź niekalki hadoŭ paśla zdabyćcia krainaj niezaležnaści — i žyŭ u horadzie Šaŭlaj.
Pa słovach vykanaŭcy abaviazkaŭ staršyni partyi kansiervataraŭ Radvile Markunajcie-Mikulenienie, kali prakuratura paćvierdzić, što padazravany mienavita Manaŭ, to jon budzie vyklučany z partyi «Sajuz Ajčyny — chryścijanskija demakraty Litvy», skazała jana ŭ kamientary Delfi.lt.
Rasijskuju špijonku, jakaja źbirałasia spakusić i vykraści žurnalista Hrozieva, pry aryšcie zaśpieli ŭ łožku ź inšym ahientam Kramla
U Brytanii idzie sud nad bałharami, jakich padazrajuć u špijanažy na karyść Rasii
Vykrytyja ŭ Brytanii špijony źbiralisia vyvieźci ŭ Rasiju žurnalista Chrysta Hrozieva, jaki dapamahaŭ Navalnamu
U Osła achoŭnika pasolstva ZŠA aryštavali pa padazreńni ŭ špijanažy na karyść Rasii i Irana
Kamientary