Zaklučany najbujniejšy kantrakt u historyi sportu — 765 miljonaŭ dalaraŭ
Daminikanski biejsbalist Chuan Sota zaklučyŭ najbujniejšy kantrakt u historyi sportu. Kłub Hałoŭnaj lihi biejsboła (MLB) «Ńju-Jork Miets» vypłacić 765 miljonaŭ dalaraŭ na praciahu 15 hadoŭ, piša The Playoffs.
Kantrakt Sota praduhledžvaje siaredniuju hadavuju vypłatu 51 miljona dalaraŭ bieź jakich-niebudź adterminovak. Pahadnieńnie taksama ŭklučaje punkt ab skasavańni kantraktu paśla siezona-2029.
Paviedamlajecca, što «Miets» mohuć anulavać punkt ab skasavańni kantraktu, pavialičyŭšy Sota hadavy zarobak z 51 miljona da 55 miljonaŭ dalaraŭ na astatnija 10 hadoŭ kantraktu. Kali heta adbudziecca, ahulny košt kantraktu pieravysić 800 miljonaŭ dalaraŭ.
Kantrakt robić Sota nie tolki samym vysokaapłatnym hulcom u historyi MLB, ale i samym vysokaapłatnym spartsmienam va ŭsich prafiesijnych vidach sportu.
Ździełka Sota pieraŭzychodzić papiaredni rekord, ustalavany japoncam Siechiejem Atani, jaki ŭ minułym hodzie padpisaŭ 10-hadovy kantrakt na sumu 700 miljonaŭ dalaraŭ z «Łos-Andželes Dodžers».
U futbole Niejmar pierachodziŭ z «Barsiełony» ŭ PSŽ niekalki hadoŭ tamu za 222 młn jeŭra
Taćciana Zareckaja bolš nie estonskaja startapierka. Ciapier jana sprabuje stać pasiarednicaj inviestaraŭ u Saudaŭskaj Aravii23
Kamientary