U Rasii nazvali vulicu ŭ honar desanta, jaki pravaliŭ svaju apieracyju
Uljanaŭskija rehijanalnyja ŚMI paviedamili, što adnu z novych vulic horada nazvali ŭ honar «hierojaŭ Hastomielskaha desanta». Novuju vulicu adkryvaŭ sam hubiernatar Uljanaŭskaj vobłaści Alaksiej Ruskich.
Hetaja nazva źviazana z zachopnickaj vajnoj Rasii suprać Ukrainy i źviazana z pačatkovym etapam poŭnamaštabnaha ŭvarvańnia ŭ lutym 2022 hoda.
Tady rasijskija vojski, jakija samaŭpeŭniena raźličvali «ŭziać Kijeŭ za try dni», dziela hetaj mety chacieli adrazu zachapić aeraport Antonaŭ kala pasiołka Hastomiel Kijeŭskaj vobłaści.
Bai pačalisia z pavietrana-desantnaj apieracyi Rasii, padčas jakoj rasijskim kamandavańniem byŭ dapuščany šerah pamyłak, što skončyłasia poŭnym pravałam apieracyi i razhromam desantnych vojskaŭ. Za pieršyja try dni šturmu aeraporta Rasija straciła zabitymi jak minimum 125 desantnikaŭ.
Paśla hetaha terytoryju aeraporta ŭsio ž zachapili rasijskija vajskoŭcy, jakija prybyli ź Biełarusi praz Čarnobylskuju zonu adčužeńnia, adnak USU paśpieli paškodzić uźlotna-pasadačnuju pałasu artyleryjaj, što zrabiła niemahčymym dalejšaje pierakidańnie rasijskich vojskaŭ pa pavietry.
Pravał Hastomielskaj apieracyi staŭ adnym z vyrašalnych čyńnikaŭ, jakija nie dazvolili rasijanam chutka dasiahnuć pastaŭlenych vajennych metaŭ, pieradusim zachopu ŭkrainskaj stalicy.
Padčas tych bajoŭ 27 lutaha 2022 hoda byŭ źniščany ŭnikalny ŭkrainski cyvilny samalot An-225 «Mrija», jaki isnavaŭ u adzinym ekzemplary i byŭ samym vialikim i hruzapadjomnym samalotam za ŭsiu historyju suśvietnaj avijacyi.
Rasijanie nie mieli inšaha płana zachopu Kijeva, jak vysadka ŭ Hastomieli — Budanaŭ
Reźnikaŭ raspavioŭ pra bunkier Minabarony Ukrainy ŭ Hastomieli: pałova ministerstva mahła trapić u pałon u pačatku vajny
«Rasijanie staviacca da paranienych prahmatyčna». Manałoh eks-palitviaźnia, jaki addaŭ 8 hadoŭ USU
Pucin raskazaŭ afrykanskim lidaram novuju viersiju adychodu rasijskich vojskaŭ z-pad Kijeva
«Heta budzie zdrada». Załužny nie daŭ padarvać masty ŭ Kijevie na pačatku rasiejskaha ŭvarvańnia
Samy vialiki ŭ śviecie samalot «Mrija» pierad vajnoj pavinien byŭ pieralacieć u Hiermaniju, ale čamuści jaho pakinuli na miescy — Bild
Maładuju supracoŭnicu «Pielenha» aryštavali za «zakliki da naniasieńnia škody Biełarusi». Joj pahražaje da 12 hadoŭ3
Kamientary