U Hienštabie prakamientavali rašeńnie ab raźmiaščeńni ŭ Biełarusi «Arešnika»
«Rašeńnie ab raźmiaščeńni kompleksu «Arešnik» na terytoryi Biełaruś pryniata ŭ adkaz na kroki, što prymajucca ZŠA i Hiermanijaj pa raźmiaščeńni rakiet siaredniaj dalokaści ŭ Jeŭropie, zajaviŭ namieśnik načalnika Hienštaba Uzbrojenych cił Siarhiej Łahadziuk.
«Amierykancy i niemcy pra heta raniej nieadnarazova zajaŭlali. My atrymali ad svajho hałoŭnakamandujučaha zadaču: sumiesna z rasijskimi śpiecyjalistami naš vajenna-pramysłovy kompleks budzie i dalej raźvivać hetuju zbroju. Aktyŭny ŭdzieł u hetych pracesach abumoŭleny tym, što ŭžo ciapier uzrovień łakalizacyi ŭ hetym kompleksie našych pradpryjemstvaŭ vielmi vialiki», — dadaŭ S. Łahadziuk.
Nahadajem, što ŭčora Łukašenka ŭ Minsku paprasiŭ Pucina raźmiaścić «Arešnik» u Biełarusi.
«Ja chaču publična paprasić vas, kab novyja sistemy ŭzbrajeńnia, i pierš za ŭsio «Arešnik», byli raźmieščanyja na terytoryi Biełarusi. Heta supakoiła b niekatoryja rozumy», — skazaŭ Łukašenka padčas sustrečy z Pucinym.
Pucin u adkaz zajaviŭ, što heta, maŭlaŭ, stanie mahčymym u druhoj pałovie nastupnaha hoda, pa miery naroščvańnia vypusku sistemy.
Łukašenka ŭpieršyniu źjaviŭsia na publicy razam z mamaj Koli19
Kamientary