Šeran Stoŭn raskazała, jakuju hałoŭnuju paradu dała b samoj sabie, maładoj, z vyšyni pražytych hadoŭ
Pačuŭšy hetaje pytańnie, 66-hadovaja aktrysa raptam apuskaje hałavu, zakryvaje tvar rukoj i robić doŭhuju paŭzu… a potym pačynaje płakać, piša Bi-bi-si.
«Usio ŭ ciabie atrymajecca», — saŭładaŭšy narešcie z saboj, pramaŭlaje jana dryhotkim hołasam.
Aktorku zachlistvajuć ciažkija ŭspaminy: 23 hady tamu jaje žyćcio ledź nie abarvałasia ŭ vyniku insultu.
«Ty prosta pakul hetaha nie viedaješ, ale ŭ ciabie ŭsio abaviazkova atrymajecca, — paŭtaraje jana. — Hetuju frazu ja b prosta vytatujavała ŭ siabie na abodvuch vokach, z unutranaha boku».
«Mnie tak časta chaciełasia, kab choć chtości mnie heta skazaŭ», — pryznajecca jana.
«Kali ja lažała na padłozie i nie mahła navat vyklikać chutkuju, — praciahvaje aktorka. — Kali [z balnicy] ja viarnułasia dadomu i pračytała ŭ časopisie People, što adnamu bohu viadoma, ci ŭdasca mnie pieražyć najbližejšy miesiac».
Razryŭ arteryi pryvioŭ da maštabnaha krovaźlićcia ŭ mozh, spravakavaŭšy ciažki insult. Pavodle jaje ŭłasnych słoŭ, šancy na vyžyvańnie ŭ takich vypadkach składajuć prykładna 1 z 100 — navat chadzić i razmaŭlać joj faktyčna daviałosia vučycca nanova.
Biada nie prychodzić adna, nahadvaje Stoŭn. Na fonie surjoznych prablem sa zdaroŭjem u jaje pačalisia finansavyja prablemy, prytym što paralelna Stoŭn davodziłasia vieści sudovuju ciažbu z byłym mužam Fiłam Branštejnam za apieku nad ich pryjomnym synam Roanam.
Jak tłumačyć Stoŭn, kolki ciažkaściaŭ joj daviałosia pieraadoleć na hetym šlachu, jana ŭ poŭnaj miery ŭśviadomiła, tolki pačuŭšy heta pytańnie.
«Z tych časoŭ prajšło ŭžo šmat hadoŭ, ale ciapier usio ŭ paradku… usio zzadu… u nas usio atrymałasia».
Prajekciroŭščyki pakazali, jak budzie vyhladać płošča Banhałor u Minsku. Im skazali padumać lepš8
Prajekciroŭščyki pakazali, jak budzie vyhladać płošča Banhałor u Minsku. Im skazali padumać lepš
«Na praciahu 30 hadoŭ niezaležnaści biełaruskamoŭnyja biuleteni zadavalniali ŭsich». Kamunisty abvinavacili Bondaravu ŭ raspalvańni varožaści na moŭnaj hlebie1616
Kamientary