Napiaredadni hałasavańnia pa impičmiencie prezident Paŭdniovaj Karei vybačyŭsia za ŭviadzieńnie vajennaha stanovišča ŭ krainie

Jon paviedamiŭ, što pakidaje «pytańnie ab svaim znachodžańni na pasadzie «na mierkavańnie svajoj partyi «Siła naroda». Adrazu paśla hetaha jaje lidar Chan Don Chun zajaviŭ, što daterminovaja adstaŭka lidara Paŭdniovaj Karei niepaźbiežnaja.

Zvarot prezidenta Paŭdniovaj Karei da nacyi prahučaŭ usiaho za niekalki hadzin da hałasavańnia ŭ parłamiencie, jakoje moža pryvieści da jaho adstaŭki.

U svaim televizijnym vystupie, jaki doŭžyŭsia kala 2 chvilin, jon paprasiŭ prabačeńnia za svajo rašeńnie ŭvieści vajennaje stanovišča ŭ pačatku hetaha tydnia i pakłaniŭsia.

«Heta rašeńnie było pryniata ad adčaju, — skazaŭ jon. — Jano pryniesła ludziam niespakoj i niazručnaści. Ja vielmi škaduju i prynošu vam svaje prabačeńni». Prezident dadaŭ, što nie budzie abjaŭlać vajennaje stanovišča druhi raz, jak hetaha aścierahalisia niekatoryja jaho apanienty.

Jun Sok Jol zajaviŭ, što pakidaje «pytańnie ab svaim znachodžańni na pasadzie» na mierkavańnie svajoj partyi. Jon nie patłumačyŭ, što kankretna heta aznačaje. Jon taksama nie zajaviŭ pra hatoŭnaść syści ŭ adstaŭku i nie zhadaŭ ab majučym adbycca ŭ parłamiencie hałasavańni pa impičmiencie.

Hety zvarot da nacyi staŭ pieršym publičnym vystupam Jun z taho času, jak jon spačatku abviaściŭ, a praz usiaho šeść hadzin admianiŭ vajennaje stanovišča ŭ krainie, bo parłamient prahałasavaŭ suprać jaho ŭkaza. Paśla hetaha deputaty ad apazicyi, u jakich u parłamiencie krainy bolšaść, unieśli zakonaprajekt ab impičmiencie prezidentu, a palicyja Paŭdniovaj Karei pačała rasśledavańnie suprać jaho pa padazreńni ŭ arhanizacyi dziaržaŭnaha pieravarotu.

Adrazu paśla zvarotu Jun Soka da nacyi lidar prezidenckaj partyi «Siła naroda» Chan Don Chun zajaviŭ, što daterminovaja adstaŭka lidara Paŭdniovaj Karei niepaźbiežnaja, pakolki jon bolš nie ŭ stanie vykonvać dziaržaŭnyja abaviazki.

Lidar apazicyjnaj Demakratyčnaj partyi Li Čže Mien nazvaŭ pramovu prezidenta Juna «vielmi rasčaravalnaj». Pavodle jaho słoŭ, vystup prezidenta «nie adpaviadaŭ čakańniam hramadskaści i tolki jašče bolš padmanuŭ ich».

«Samaja vialikaja ryzyka dla Paŭdniovaj Karei ciapier — heta znachodžańnie prezidenta va ŭładzie. Niama inšaha šlachu, akramia chutčejšaha spynieńnia praŭleńnia Juna praz adstaŭku ci impičmient», — skazaŭ Li.

Siońnia ranicaj u parłamiencie Paŭdniovaj Karei projdzie hałasavańnie pa zakonaprajekcie ab impičmiencie prezidentu. Adnak dla taho, kab zakonaprajekt ab adstaŭcy prezidenta byŭ pryniaty, apazicyi nieabchodna jak minimum 8 hałasoŭ deputataŭ ad partyi prezidenta.

Napiaredadni Chan Don Chun zajaviŭ, što prezident ujaŭlaje niebiaśpieku dla krainy i pavinien być adchileny ad ułady, choć členy partyi paźniej paćvierdzili svaju aficyjnuju niazhodu ź impičmientam Jun Sok Jolu.

Paŭdniovakarejskaje ahienctva «Renchap» paviedamiła, što pierad hetym parłamient prahałasuje pa pytańni ab rasśledavańni ŭ dačynieńni da pieršaj łedzi.

Karespandenty Bi-bi-si ŭ Sieule nazyvajuć prabačeńni Juna ŭ telezvarocie «druhoj avanturaj prezidenta za tydzień»: «paprasić prabačeńnia, zrabić vyhlad, što raskajvajecca, ale nie sychodzić u adstaŭku, i spadziavacca, što jaho partyja budzie pieražyvać za mahčymy projhryš na prezidenckich vybarach, i tamu nie prahałasuje za impičmient».

Jun sprabuje zachavać uładu, jakaja ŭ jaho zastałasia jak u prezidenta, i pieražyć, mahčyma, ciažkija apošnija dva hady ŭ nadziei, što kraina daruje i zabudzie.

Ale, pa ich słovach, pratesty pa ŭsim Sieule stanoviacca ŭsio hučniej i hučniej.

• 1
• 0
• 0
• 1
• 0
• 0
• 0
• 0