U rasijskim Prymorskim krai aficer rasstralaŭ 19-hadovaha sałdata terminovaj słužby
Lejtenant 394-ha motastrałkovaha pałka rasstralaŭ z aŭtamata Kałašnikava 19-hadovaha sałdata terminovaj słužby Arcioma Antonava z Tatarstana padčas padrychtoŭki da adpraŭki na miažu z Ukrainaj. Heta vynikaje z materyjałaŭ daśledčaj pravierki, jakija atrymała ŭ svajo rasparadžeńnie vydańnie «Važnyje istorii».
Zabojstva adbyłosia 21 kastryčnika na palihonie «Iljinski» 60-j motastrałkovaj bryhady ŭ Prymorskim krai. Tudy Arcioma Antonava adpravili dla zamieny motastrałkovych čaściej prykryćcia miažy ŭ Kurskaj vobłaści.
Zhodna z materyjałami pravierki, lejtenant padčas instruktažu pa abychodžańni sa zbrojaj źniaŭ svoj aŭtamat AK-12 z zaścierahalnika i streliŭ čarhoj u stroj sałdat. Kula trapiła ŭ hałavu Antonavu.
Pry hetym vypadkova pieravieści čatyrochpazicyjny pieraklučalnik režymu ahniu na AK-12 u režym stralby pa try patrony ci čarhoj składana — śpiecyjalna dla ekanomii patronaŭ u stresavych umovach kanstruktary aŭtamata zakłali mahčymaść spačatku pieravieści zbroju z zaścierahalnika tolki na adzinočny ahoń.
Na dumku svajački Antonava, jakaja pahutaryła z «Važnymi istorijami» na ŭmovach ananimnaści, junaka mahli rasstralać za admovu padpisvać kantrakt i adpraŭlacca ŭ zonu bajavych dziejańniaŭ.
«My ŭsie ŭpeŭnienyja, što rasstreł źviazany z admovaj padpisać kantrakt. Jon kazaŭ siabram, što ich presujuć», — raskazvaje žančyna.
Pa słovach svajakoŭ Antonava, kamandziry čaści nieadnarazova katavali jaho z hetaj ža samaj pryčyny:
«Ź jaho ździekavalisia, pa vosiem dzion zapar stavili ŭ narad, nie akazvali miedycynskuju dapamohu, bili žaleznymi prutami pa rukach i šyi. Jon dzialiŭsia hetym ź blizkimi siabrami ŭ zakrytaj hrupie, jakuju adrazu paśla jaho hibieli vydalili. Arcioma zabili 21 kastryčnika, nam skazali pra heta tolki 23 kastryčnika, mabyć, nie viedali, jak zamieści ślady».
Kali svajaki atrymali cieła zahinułaha junaka, jany vyjavili nie tolki kulavuju adtulinu ŭ iłbie, ale i siniaki na ciele.
Siamji zahinułaha viadomaje imia aficera, jaki stralaŭ, adnak jany bajacca jaho vydavać.
Arcioma pryzvali ŭ vojska ŭ lipieni 2024 hoda z tatarstanskaha siała Vierchni Usłon. Jaho adrazu nakiravali słužyć u Usuryjsk, adkul sałdaty jeduć słužyć u Kursk. U miascovych supołkach va «Vkontaktie» ŭ niekrałohu paviedamili, što Antonaŭ «vyrašyŭ addać žyćcio za Radzimu».
Pa ŭspaminach rodnych, Antonaŭ maryŭ paśla vojska stać fatohrafam, padzarablaŭ zvarščykam i kłaŭ asfalt, a na zaroblenyja hrošy vyvučyŭsia, kab zdać na pravy kiroŭcy.
Va Ukrainie zahinuła 24-hadovaja biełaruskaja dobraachvotnica Maryja Zajcava19
Kamientary
Čamu vy nie banicie takich na miesiac-druhi? Kamientatar žyćcio čałaviečaje pavažaje? Biełaruskuju movu?
Ja pa-ukrainsku čytaju ŭ Vikipiedyi, a nie ŭ vas na sajcie:
"Na Mikołu zavi i druha i voraha - abodva druzi buduć"
A u vas taki kamient prachodzić:
"Umier Maksim, nu i..."
Ja artykuł pieračataŭ. Jaki Maksim? Zabitaha Arciomam zvali.
Ukrainskuju vy nie padtrymlivajecie. Ruskuju padtrymlivajecie, bo zakon, nie było anijakaj adukacyi na biełaruskaj i h.d.
Ale na mnohich ukrainskich sajtach niama kamientaŭ uvohule.
Biełaruskuju hazietu kamientatar vyrašyŭ papraknuć za naviny z Rasii? Śpiecsłužba volna ŭ vas kamientuje na sajcie? Čyja? Kamu vyhadna zamaŭčyć hety vypadak?
Usio, što pišu tut ja, čytajecca, i mnie užo vidavočna, što nima anijakaj prablemy ź identyfikacyjaj majoj asoby.
A kali navat nie sumleńnie, a strach: i to dobra. Kali b bolšaść takich była, tak i niekamu było b vykonvać durnyja zahady.
Kamientatar, jaki vyšej radujecca, radujecca za Pucina.
I heta nie navina pra čarhovuju buzavu. Heta navina pra vajnu, jakaja amal niepasredna tyčycca Biełarusi.
Tak što chopić štampavać nachabnyja kamientary, nie ŭklučajučy mozh.