Rasijski vice-premjer raskazaŭ, kali ŭviaduć ahulnuju valutu ź Biełaruśsiu
Pry ŭsim zbližeńni ŭ ekanamičnaj i sacyjalnaj śfierach Biełaruś i Rasija nie śpiašajucca ź pierachodam na adzinuju valutu, adznačyŭ u intervju «Iźviestijam» namieśnik premjer-ministra Rasii Alaksiej Aviarčuk.
Pytańnie pra ahulnuju valutu siońnia pakul nie tak aktualnaje, ličyć rasijski vice-premjer:
«My paru razoŭ z kalehami havaryli pra ahulnuju valutu. Prosta dla jaje ŭviadzieńnia pavinny saśpieć umovy, i chtości pavinien budzie arhumientavana abhruntavać, navošta heta sapraŭdy treba».
Pakul što takich arhumientaŭ, vidać, nichto nie pradstaviŭ, ale ŭ budučyni, nie vyklučaje rasijski čynoŭnik, usio moža być inakš:
«Miarkuju, što na niejkim etapie, mahčyma, my pryjdziem da takoha ŭzroŭniu intehracyjnaha zbližeńnia, što dla našaha dalejšaha sumiesnaha raźvićcia spatrebicca sfarmiravać adpaviednyja biudžetnyja krynicy, napeŭna, heta i budzie arhumientam.
Kali-niebudź ekanamičnaja metazhodnaść skaža svajo słova, i, dumaju, što tady biełarusy buduć pieršymi, chto prapanuje pierachodzić na ahulnuju valutu».
Pakul ža, pavodle jaho, nieabchodna razumieć, što ŭ śviadomaści mnohich ludziej nacyjanalnaja valuta — «atrybut suvierenitetu, i da hetaha taksama treba stavicca z pavahaj».
U toj ža čas ciapier amal uvieś uzajemny handal pamiž Biełaruśsiu i Rasijaj užo pieraviedzieny na raźlik u rublach — «dola nacvalut va ŭzajemnych raźlikach Rasii i Biełarusi składaje ŭžo prykładna 98%».
Prytym nibyta «nijakaj śpiecyjalnaj mety pa dasiahnieńni doli ŭ 100% u Maskvy i Minska niama. Heta adbyvajecca samo saboj. Biznes sam vyrašaje, što jamu zručna, tamu heta i pracuje».
Indyja i Paŭdniova-Afrykanskaja respublika adchryścilisia ad prajekta stvareńnia valuty BRIKS
Cana bitkojna ŭpieršyniu ŭ historyi pieravysiła 100 tysiač dalaraŭ
«Kali nabyŭ $20 pa kursie 3,3 — i ciapier ty paśpiachovy inviestar»: jak biełarusy reahujuć na skački valut
«Dalaraŭ stolki, što choć piečku imi pali». Azaronak na kamieru spaliŭ kupiuru ŭ 1 dalar
Va Ukrainie zahinuła 24-hadovaja biełaruskaja dobraachvotnica Maryja Zajcava20
Kamientary